საზოგადოება

პასუხგაუცემელი გამოძახებებები 550-დან 100-მდე შემცირდა - დავით სერგეენკო

იყო 550 პასუხგაუცემელი გამოძახება, როდესაც გავააქტიურეთ პროტოკოლი, პირველივე დღე-ღამის განმავლობაში განახევრდა, ახლა უკვე კი არის 100-მდე პასუხგაუცემელი გამოძახება, - განუცხადა ჟურნალისტებს ჯანდაცვის მინისტრმა გრიპის ვირუსების გამო სასწრაფო დახმარების გახშირებულ გამოძახებასთან დაკავშირებულ საკითხზე საუბრისას.

მინისტრის ინფორმაციით, პროტოკოლი გაგრძელდება ავადობის კლების ტენდენციამდე.

"პროტოკოლის გააქტიურების შემდეგ პაციენტები უკვე მიმართავენ ოჯახის ექიმს ანუ ვისაც უნდა მიმართავდნენ და არა სასწრაფოს ექიმს. ვფიქრობ, ამას გავაგრძელებთ. სპეციალური ინდიკატორებია, დავინახავთ, ავადობის კლების ცალსახა ტენდენციას. ჩვეულებრივ ეს ორი-სამი კვირა გრძელდება", - განაცხადა დავით სერგეენკომ.

ნინო ექვთიმიშვილი