უკან

უახლესი ამბები

დღის კალენდარი

ანონსები

არქივი

სამართალი

6 სექტემბერი, 2017 22:22
font-size

პატივისცემას არ იმსახურებს უჩა ნანუაშვილის ტენდენციური და ცალმხრივი მიდგომა ამ საქმისადმი - ჯარჯი წიკლაური

ე.წ. ციანიდის საქმის პროკურორმა ჯარჯი წიკლაურმა სახალხო დამცველი უჩა ნანუაშვილი საქმისადმი მიკერძოებულ და ცალმხრივ მიდგომაში დაადანაშაულა. ომბუდსმენის განცხადებაზე, რომ ციანიდის საქმეზე გამოტანილი განაჩენით მართლმსაჯულება არ აღსრულდა, წიკლაურმა განაცხადა, რომ ამ ნათქვამით ნანუაშვილმა თავის უფლებამოსილებას გადაამეტა.

„დიდ პატივს ვცემ სახალხო დამცველის ინსტიტუტს, მაგრამ პატივისცემას არ იმსახურებს უჩა ნანუაშვილის ტენდენციური და ცალმხრივი მიდგომა ამ საქმისადმი. სახალხო დამცველის ინსტიტუტი, როგორც ნებისმიერი სახელმწიფო ინსტიტუტი, მოქმედებეს კანონით განსაზღვრული უფლებამოსილების ფარგლებში. მისი უფლებამოსილება განსაზღვრულია ნორმატიული აქტით. როდესაც სახალხო დამცველი გამოდის და ამბობს, რომ სასამართლოს გადაწყვეტილებით მართლმსაჯულება არ აღასრულდა, რას ნიშნავს ეს სიტყვები? აბა, უჩა ნანუაშვილის გადაწყვეტილებით უნდა აღსრულდეს მართლმსაჯულება? რატომ ითავსებს სახალხო დამცველი მეოთხე ინსტანციის სასამართლოს ფუნქციებს?

სასამართლოს გადაწყვეტილება არის ერთადერთი დოკუმენტი, რომლითაც ხდება ბრალდებულის დამნაშავედ ცნობა. გადაწყვეტილება არის მართლმსაჯულების გამოხატულება, კონსტიტუციითაა ასე და კანონით. უჩა ნანუაშვილი როცა აცხადებს, რომ მართლმსაჯულება არ აღსრულდა, მხოლოდ ზემდგომი ინსტანციაა უფლებამოსილი, შეცვალოს სასამართლოს გადაყვეტილება. სახალხო დამცველი ამეტებს თავის უფლებამოსილებებს, როცა აკრიტიკებს სასამართლოს გადაწყვეტილებას.

ვფიქრობ, ის დაინტერესებულია და ტენდენციური. ის არა სახალხო დამცველი, არამედ ამ შემთხვევაში გიორგი მამალაძის დამცველია, ამ საქმეზე მეშვიდე ადვოკატად მოგვევლინა“, - განაცხადა ჯარჯი წიკლაურმა ნინო ჟიჟილაშვილის გადაცემა „პოლიტმეტრში“.

მისი განცხადებით, სახალხო დამცველი არ დასწრებია არცერთი პროკურორის დასვნით სიტყვას. წიკლაურმა აღნიშნა, რომ უჩა ნანუაშვილი მხოლოდ ორჯერ დაესწრო სასამართლო სხდომებს.

„თავად უჩა ნანაუშვილი ოთხი თვის განმავლობაში არ ესწრებოდა სხდომებს, მხოლოდ ორჯერ იყო ნამყოფი, ისიც, არ დაესწრო პროკურორების გამოსვლებს. სახალხო დამცველის ერთი წარმომადგენელი დადიოდა პროცესებზე, მაგრამ მე არ მინდა უხეშად გამომივიდეს, ტელეფონზე რაღაცებს თამაშობდა და მოწმეთა დაკითხვისთვის არც კი მოუსმენია. როგორ შეაფასეს მათ 100-მდე მოწმეთა ჩვენებებში წინააღმდეგობა, რომლებზეც საუბრობდნენ, თუკი არც კი მოუსმენიათ მტკიცებულებებისთვის? ეს არაა მონიტორინგი, ესაა ცალმხრივი, სუბიექტური შეფასება“, -თქვა პროკურორმა.

წიკლაურის თქმით, ომბუდსმენი თავიდანვე საუბრობდა საქმეში აღმოჩენილ დარღვევებზე, თუმცა იმ დროისთვის ნანუაშვილი გამოძიების მასალებს არ გაცნობია.
„27 თებერვალს პარლამენტში მოხსენებისას, როცა ის წინსწრებით აკეთებდა განცხადებას, ვითომ დარღვევები აღმოაჩინა, წარმოდგენა არ ჰქონდა საქმეში არსებულ მასალებზე. პარლამენტში, 27 თებერვალს მან განაცხადა, რომ მთავარი პროკურატურიდან გამოთხოვილი ჰქონდა ინფორმაცია ამ საქმეზე - ეს იყო სიცრუე. შემდეგ მთავარი პროკურორის მოადგილემ მიანიშნა მას, რომ მსგავსი წერილი არ იყო ჩვენთან შემოსული და უმჯობესი იქნებოდა მსგავს უსაფუძვლო განცხადებებამდე ჯერ გამოეთხოვებინა ინფორმაცია. მეორე დღესვე საკუთარი სიცრუის დასაფარავად მან მოგვმართა წერილით და მხოლოდ 2 მარტს მივიღეთ ეს წერილი. მანამდე მას ინფორმაცია არ ჰქონია“, -თქვა წიკლაურმა.

შეგახსენებთ, ე.წ. ციანიდის საქმეში მსჯავრდებულ დეკანოზ გიორგი მამალაძეს მოსამართლე ბესიკ ბუგიანიშვილმა 9-წლიანი პატიმრობა მიუსაჯა.

ანა მებურიშვილი

2006 წლის ე.წ. „ციხის ბუნტის“ დროს მოკლული 7 და დაშავებული 22 პატიმრის საქმეზე სტრასბურგის სასამართლომ სიცოცხლის უფლების მრავლობითი დარღვევები დაადგინა

2 აპრილი, 2020 , 17:40

2020 წლის 2 აპრილს გამოქვეყნდა სტრასბურგის სასამართლოს გადაწყვეტილება საქმეზე კუხალაშვილი და სხვები საქართველოს წინააღმდეგ. საქმე ეხება 2006 წლის 27 მარტს N5 სასჯელაღსრულების დაწესებულებაში ე.წ. „ციხის ბუნტის&ldquo

პოლიციამ საგანგებო მდგომარეობის რეჟიმის დარღვევის 706 ფაქტი გამოავლინა

2 აპრილი, 2020 , 17:00

შინაგან საქმეთა სამინისტროს თანამშრომლები, საქართველოს მთავრობის მიერ საგანგებო მდგომარეობისა და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას გ

ზვიად გოგიაშვილს ბანკში ცემის გამო, მორალური და მატერიალური ზიანი აუნაზღაურდა

2 აპრილი, 2020 , 15:50

ორგანიზაცია „ახალგაზრდა ადვოკატების“ ჩართულობის შედეგად, ზვიად გოგიაშვილს, TBC ბანკსა და ბანკის სესხების ყოფილ ექსპერტ მ. კ.-ს შორის მორალური და მატერიალური ზიანის ანაზღაურების მოთხოვნით წარმოებული დავა მორიგ

პოლიციამ ოჯახში ძალადობისა და ოჯახის წევრის მიმართ მუქარის ბრალდებით ერთი პირი დააკავა

2 აპრილი, 2020 , 13:05

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1995 წელს დაბადებული ჯ. ბ. არასრულწლოვნის თან

ჯგუფურად განხორციელებულ ყაჩაღობაში ბრალდებულს 9 წლით თავისუფლების აღკვეთა მიესაჯა

2 აპრილი, 2020 , 13:05

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ჯგუფურად ჩადენილ ყაჩაღობაში ბრალდებული ზ.ბ. დამნაშავედ ცნო. როგორც “მედიანიუსს“ გენერალური პროკურატურიდან აცნობ

შინაგან საქმეთა სამინისტრომ საგანგებო მდგომარეობის რეჟიმის დარღვევის 60 ფაქტი გამოავლინა

1 აპრილი, 2020 , 17:20

შინაგან საქმეთა სამინისტროს თანამშრომლები, საქართველოს მთავრობის მიერ საგანგებო მდგომარეობის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობენ და კორონავირუსის