საზოგადოება
პატრიარქის აღსაყდრების 40 წლის იუბილესთან დაკავშირებით სამებაში სადღესასწაულო ლიტურგია მიმდინარეობს
სრულიად საქართველოს კათოლიკოს-პატრიარქის, უწმიდესისა და უნეტარესის, ილია II-ის აღსაყდრებიდან 40 წელი შესრულდა.
ილია მეორის ინტრონიზაციის 40 წლის იუბილესთან დაკავშირებით სადღესასწაულო ლიტურგია მიმდინარეობს.
საზეიმო ლიტურგიას პატრიარქი, მღვდელმთავრებთან ერთად სვეტიცხოვლის საკათედრო ტაძარში აღავლენს.
ლიტურგიის დასრულების შემდეგ კათოლიკოს-პატრიარქი მრევლს ტრადიციული ქადაგებით მიმართავს და დღევანდელ დღეს მიულოცავს.
უწმინდესს დღევანდელ დღეს პრემიერი სვეტიცხოველში მიულოცავს და ტაძარში შეკრებილ საზოგადოებას მიმართავს.
მაშინდელი ცხუმ-აფხაზეთის მიტროპოლიტი ილია კათოლიკოს პატრიარქად 1977 წლის 23 დეკემბერს, სიონის ტაძარში გამართულ საეკლესიო კრებაზე აირჩიეს და მისი ინტრონიზაცია ამავე წლის 25 დეკემბერს სვეტიცხოვლის საკათედრო ტაძარში მოხდა. წელს ქართული მართლმადიდებელი ეკლესიის ავტოკეფალიის აღდგენიდან 100 წლის იუბილეც აღინიშნება, 2018 წლის 4 იანვარს კი პატრიარქს 85 წელი უსრულდება.
ნინო ექვთიმიშვილი