უკან

კომენტარი

13 თებერვალი, 2017 12:55
font-size

პატრიარქის საწინააღმდეგო დაკვეთები საქართველოს სამეზობლოდან მოდის -არჩილ გამზარდია

საზოგადოებრივი კომუნიკაციების მართვის სპეციალისტი და ანალიტიკოსი არჩილ გამზარდია ფიქრობს, რომ საქართველოს პატრიარქის წინააღმდეგ მიმდინარე კამპანიის საკითხი საქართველოს ფარგლებს გარეთ გადის და უნდა განიხილებოდეს სამეზობლო პოლიტიკის კონტექსტში, რომლებსაც მისი ვარაუდით, ჰყავთ თავისი შემსრულებლები ქვეყანაში.

,,მგონია, რომ გამოძიების პროცესი არ უნდა დავიდეს ერთეულ ლოკალურ თემამდე ანუ მხოლოდ ერთჯერად შესაძლო მოწამვლამდე, გამოცდილება აჩვენებს, რომ შეუძლებელია ასეთ დროს ერთ შემთხვევაზე იყოს ხოლმე საუბარი; ვშიშობ, რომ ეს არის გარკვეული ჯაჭვის მხოლოდ ერთი რგოლი და არა ერთადერთი; მჯერა, რომ გამოძიება სწორედ ამ მიმართულებით წავა; რაკიღა სახელმწიფომ მოკიდა მტკიცედ ხელი პროცესს, მხოლოდ მწვავე დონეზე კი არ უნდა დალუქოს საკითხი, არამედ მიჰყვეს ბოლომდე და გამოავლინოს სრული ქსელიც;

მეორე, პოლიტიკურ სუბიექტებს ვთხოვდი, რომ არ დაიყვანონ თემა შიდა პოლიტიკურ საზომებამდე, ალბათ ყველა ვხვდებით, რომ თემა შეუძლებელია ასე მარტივად დადიოდეს ან "ნაციონალურ მოძრაობამდე" ან "ქართულ ოცნებამდე", სინამდვილეში, ჩემი აზრით, თემა გადის შიდა საზღვრებიდან და ბევრად უფრო ფართო სივრცეზე გადის, განსაკუთრებით სამეზობლო პოლიტიკის კონტექსტში, რომლებსაც სავარაუდოდ ჰყავთ კიდეც თავისი შემსრულებლები ქვეყანაში;

კიდევ ერთი ფაქტორი, რომელიც, მგონია, რომ უნდა გავიაზროთ, არის ის, რომ არ შეიძლება თემა დავიყვანოთ დღევანდელ და გუშინდელ დღემდე და ეპისკოპოსების ურთიერთდამოკიდებულებების დონემდე. ეს თემა ბევრად ხანგრძლივია, ბევრად მეტი წელია არაკეთილმოსურნე სახელმწიფო(ები) ქმნის დასაყრდენს ჩვენს ქვეყანაში, ეძებს პატრიარქის გარშემო ყველაზე ახლო წრეშივე, შესაძლოა წარმოუდგენლად ახლო წრეშიც კი საყრდენს, არაერთ შემთხვევაში კიდეც გამოვლენილა ცალკეულ ეპიზოდებში მსგავსი.

გვახსოვს ყველას, რომ მაცხოვარი თავის დროზე გასცა ყველაზე ახლო და საყვარელმა მოწაფემ და მეგობარმა, იუდამ, ეს ჩვენი, ადამიანური გამოცდილებაა’’, - წერს არჩილ გამზარდია.

შეგახსენებთ, რომ საპატრიარქოს ქონების მართვის სამსახურის ხელმძღვანელი მამა გიორგი მამალაძე სამი დღის წინ, აეროპორტში დააკავეს. ის ბერლინში, პატრიარქთან გამგზავრებას გეგმავდა. კონკრეტულად რას უკავშირდება მისი აყვანა, უცნობია, ვინაიდან ოფიციალურ უწყებებს აღნიშნულთან დაკავშირებით კომენტარი ჯერჯერობით არ გაუკეთებიათ. მამა გიორგი მამალაძე ამ დროისთვის სასჯელაღსრულების დაწესებულებაშია გადაყვანილი. მას აღკვეთის ღონისძიების სახით პატიმრობა შეეფარდა. არსებული ცნობით, საქმეს გრიფით „საიდუმლო“ ადევს.

არაოფიციალური ვერსიით, შესაძლოა ადგილი ჰქონოდა პატრიარქის მოწამვლის მცდელობას.

არსებული ინფორმაციით, საქმეზე დაიკითხა პატრიარქის დაცვის უფროსი სოსო ოხანაშვილი, რომელიც ამ მიზნით ბერლინიდან თბილისში გამოემგზავრა.

ნინო ექვთიმიშვილი

საკვანძო სიტყვები:

ბატონი კუკავას მიერ გავრცელებული ინფორმაცია სრული სიცრუეა - ბერიკა შუკაკიძე

23 აგვისტო, 2019 , 15:17

პარტიის "თავისუფალი საქართველო"   თავმჯდომარის, კახა კუკავას  ბრალდებას მასწავლებელთა შემცირების თაობაზე, პროფესიული განვითარების ეროვნული ცენტრის ხელმძღვანელი, ბერიკა შუკაკიძე პასუხობს: „აბსოლუტური

ხელისუფლება მუშაობს პოლიტიკური აფექტის მდგომარეობაში - გია ხუხაშვილი

22 აგვისტო, 2019 , 16:20

ტვ პირველის მფლობელის მამის, ბიზნესმენ ავთანდილ წერეთლისთვის ბრალის წაყენებას ექსპერტი გია ხუხაშვილი ეხმაურება. მისი თქმით, ხელისუფლება ცდილობს ერთი აქტიური თემა მეორეთი გადაფაროს და საზოგადოება მუდმივად დაძაბულ რეჟიმში

ძალიან, ძალიან შეეცდებიან გადაყლაპვას, მაგრამ ყელში გაეჩხირებათ! - ინგა გრიგოლია

22 აგვისტო, 2019 , 16:20

ჟურნალისტი ინგა გრიგოლია ბიზნესმენ ავთანდილ წერეთელის მიმართ გენერალური პროკურატურის მიერ ბრალდების წარდგენას სოციალურ ქსელში ეხმაურება. "ძალიან, ძალიან შეეცდებიან გადაყლაპვას, მაგრამ ყელში გაეჩხირებათ! ვერ წაიღებენ ტვ პ

ნებისმიერი ტელევიზიის დამფუძნებელი, პოლიტიკური პარტიის ჩამომყალიბებელი არ არის ის საფარველი, სადაც შეიძლება თავი აარიდო შეკითხვაზე პასუხს, თუ რა მონაწილეობა გაქვს მიღებული 17 მილიონის აორთქლებაში - გია ვოლსკი

22 აგვისტო, 2019 , 15:46

საპარლამენტო უმრავლესობის ლიდერი გია ვოლსკი ბიზნესმენ ავთანდილ წერეთელის მიმართ დაწყებულ გამოძიებას აფასებს და აცხადებს, რომ ბიზნესის ფლობა იქნება თუ პოლიტიკოსობა არ უნდა გაძლევდეს იმის უფლებას შენს მიმართ გამოძიებამ კით

`ივანიშვილს სურს, რომ მედია იყოს სარკე, სადაც ჩაიხედავს და კითხვაზე: ვინაა ყველაზე ლამაზი, ეტყვიან „შენ ხარ“

22 აგვისტო, 2019 , 15:35

პროკურატურის მიერ ტვ პირველის მფლობელის მამისთვის ბრალის წაყენებას „რესპუბლიკელების“ ერთ-ერთი ლიდერი დავით ზურაბიშვილი ეხმაურება. ზურაბიშვილის თქმით, ზღაპრების მსგავსად ბიძინა ივანიშვილს სურს, რომ მედია იყოს

კიდევ ერთხელ გეუბნებით - ტვ პირველს ვერ წაიღებთ - ვახტანგ წერეთელი

22 აგვისტო, 2019 , 12:55

ავთანდილ წერეთელი მზად არის, გამოცხადდეს პროკურატურაში 29 აგვისტოს, საქართველოში დაბრუნებისთანავე, - ამის შესახებ სოციალურ ქსელში ავთანდილი წერეთლის შვილი,“ტვ პირველის“ დამფუძნებელი ვახტანგ წერეთელი წერს. მის

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს