უკან
საზოგადოება
2 აგვისტო, 2017 15:15
პატრიარქმა მრევლს ილიაობა მიულოცა
საქართველოს კათალიკოს-პატრიარქმა სვეტიცხოვლის ტაძარში ილიაობასთან დაკავშირებით საზეიმო ლიტურგია აღავლინა.
წირვის შემდეგ კათოლიკოს-პატრიარქმა მრევლს ქადაგებით მიმართა და ილია თეზბიტელისა და ილია მართლის ხსენების დღე მიულოცა.
პატრიარქმა ეკლესიის როლსა და ისტორიაზეც ისაუბრა.
"როცა ვუყურებთ ჩვენ წარსულს და დღევანდელ დღეს, გვეთქმის მხოლოდ ერთი - დიდება და მადლობა უფალს ყველაფრისთვის. მართლაც, მძიმე გზა გამოიარა ჩვენმა ერმა და ეკლესიამ, მაგრამ ძალა ღვთისა იყო ყველაზე ძლიერი, ძალა ღვთისა ფარავდა ყველაფერს და მადლი ღვთისა და წყალობა ღვთისა დღეს სუფევს საქართველოში. ყველას გილოცავთ წმინდა ილია წინასწარმტეყველის დღეს, ყველას გილოცავთ ილია მართლის დღეს, დალოცვილი და გახარებული გამყოფოთ მამაზეციერმა", - აღნიშნა ილია მეორემ.