საზოგადოება
პატრიარქმა სომხეთის პრემიერს საქართველოს ეკლესიის სტატუსთან დაკავშირებით სთხოვა
სრულიად საქართველოს კათოლიკოს-პატრიარქმა ილია მეორემ სომხეთის პრემიერ-მინისტრ, კარენ კარაპეტიანს სთხოვა, რომ როგორი სტატუსიც აქვს სომხეთის ეკლესიას საქართველოში, ისეთივე სტატუსი მიენიჭოს საქართველოს ეკლესიას სომხეთში, - განუცხადა ჟურნალისტებს დეკანოზმა კახაბერ გოგოტიშვილმა საპატრიარქოში სომხეთის პრემიერ-მინისტრის ვიზიტზე საუბრისას.
”მნიშვნელოვანი შეხვედრა იყო. სომხეთის პრემიერ-მინისტრმა დაადასტურა დიდი პატივისცემა და სიყვარული უწმინდესისადმი და პატრიარქმა მას სთხოვა, რომ როგორი სტატუსიც აქვს სომხეთის ეკლესიას საქართველოში, ისეთივე სტატუსი მიენიჭოს საქართველოს ეკლესიას სომხეთში”, - განაცხადა მამა კახაბერმა.
სომხეთის პრემიერ-მინისტრი საქართველოში ორდღიანი ვიზიტით იმყოფებოდა. ის საქართველოს პრეზიდენტს, პრემიერ-მინისტრს და დღეს კი პატრიარქს შეხვდა.
ნინო ექვთიმიშვილი