კომენტარი
,,პატრიოტთა ალიანსში“ მალხაზ ბუკიას დაკავების ფაქტს პოლიტიკურ დევნად აფასებენ
ეს არის პოლიტიკური დევნის მაგალითი, თუ როგორ უსწორდება ხელისუფლება სხვა პარტიის წარმომადგებლებს, - ასე გამოეხმაურა პოლიტიკური პარტია "პატრიოტთა ალიანსის" ფოთის ორგანიზაციის ხელმძღვანელი მამუკა კობეჩია მალხაზ ბუკიას დაკავების ფაქტს.
"ჩემი ინფორმაციით, დაკავებისას დარღვეულია მთელი რიგი სამართლებრივი პროცედურები, ადვოკატს არ მისცეს დაკავებულთან გასაუბრების საშუალებაც კი",- განაცხადა გობეჩიამ.
თავის მხრივ, თანაპარტიელის დაკავებას პოლიტიკურ ზეწოლად აფასებს "პატრიოტთა ალიანსის" ფოთის მერობის კანდიდატი, მაია ჩხარტიშვილი.
“მაქვს გონივრული ეჭვი, რომ ადგილი აქვს პოლიტიკურ ზეწოლას. ფაქტია, რომ საოლქოში დარეგისტრირების შემდეგ მოხდა მისი დაკავება. მალხაზ ბუკია ერთ-ერთი ძლიერი თანამებრძოლი იყო. იმედი მაქვს გამოძიება გონივრულ გადაწყვეტილებას მიიღებს“,- აცხადებს მაია ჩხარტიშვილი.