მსოფლიო

პედრო აგრამუნტს განცხადებების გაკეთება და ასამბლეის სახელით ვიზიტების განხორციელება აეკრძალა

ევროპის საბჭოს საპარლამენტო ასამბლეის მოქმედ პრეზიდენტს პედრო აგრამუნტს განცხადებების გაკეთება და ასამბლეის სახელით ვიზიტების განხორციელება აეკრძალა.

ამის შესახებ ევროპის საბჭოს საპარლამენტოს ასაბლეის ვიცე-პრეზიდენტმა და ბრიტანეთის დელეგაციის ხელმძღვანელმა როჯერ გეილმა, ბიუროს სხდომის დასრულების შემდეგ განაცხადა.

„როგორც მიხვდით, აგრამუნტი ბიუროს სხდომას დღეს არ უძღვებოდა, მისი არ ყოფნის დროს, ბიუროს მე ვუხელმძღვანელე“,-განუცხადა ჟურნალისტებს გეილმა.

მისი თქმით, ბიუროზე გადაწყდა,რომ „პრეზიდენტის მიმართ ნდობა არ გვაქვს“.

„მას განცხადებების გაკეთება, მივლინებებში ყოფნა, ან ასამბლეის სახელით ვიზიტების განხორციელება არ შეეძლება. ევროპის საბჭოსა და საპარლამენტო ასამბლეის წესიერება და პრინციპები გაცილებით მნიშვნელოვანია, ვიდრე მისი ცალკეული წევრები“, -განმარტა ბრიტანეთის დელეგაციის ხელმძღვანელმა.

მონიკა დავლიანიძე