უკან

უახლესი ამბები

დღის კალენდარი

ანონსები

არქივი

კომენტარი

8 ნოემბერი, 2018 17:15
font-size

პენსიის 400 ლარამდე ზრდის დაპირება არის მასშტაბური ტყუილი და ჩვენს ოპონენტებს არ რცხვენიათ, როდესაც ჩვენს ბებიებს და ბაბუებს ასეთ სიცრუეს ეუბნებიან - მამუკა ბახტაძე

ისეთი რაოდენობის ტყუილი, დეზინფორმაცია და ე.წ fake news, რაც საქართველოში მიმდინარე წინასაარჩევნო კამპანიაში დაფიქსირდა, არ ვიცი პრაქტიკაში თუ ყოფილა რომელიმე დემოკრატიული ქვეყნის საარჩევნო კამპანიაში, - განაცხადა საქართველოს პრემიერ-მინისტრმა მამუკა ბახტაძემ დღევანდელ ბრიფინგზე, ჟურნალისტების კითხვის საპასუხოდ.

მთავრობის მეთაურის შეფასებით, ეს ძალიან ცუდია, მაგრამ ამავდროულად, არის ლაკმუსის ქაღალდი, რადგან ტყუილების ტალღა, რაც ყოველდღიურად მოდის, ძალიან მარტივად გადამოწმებადია.

პრემიერი გამოეხმაურა ოპონენტების დაპირებას პენსიის 400 ლარამდე ზრდასთან დაკავშირებით და მზადყოფნა გამოთქვა, ოპონენტებს კალკულატორი გაუგზავნოს სწორი გათვლების გასაკეთებლად, თუ რა ოდენობის თანხაზეა საუბარი ჯამურად.

„თუ ამდენი დათვლის საშუალება არ აქვთ, შემიძლია პირადად გავუგზავნო რამდენიმე კალკულატორი საჩუქრად ჩვენს ოპონენტებს. საუბარია დამატებით 2 მილიარდ ლარზე, რაც იმაზე მეტია, ვიდრე ჩვენი ექიმების, ჯარისკაცების, პოლიციელების, მასწავლებლების და ყველა უწყების ერთად აღებული ხელფასი. ამ რაოდენობის და ამ მასშტაბის ტყუილს ამბობს ეს ხალხი და არ რცხვენიათ, რომ ჩვენს ბებიებს და ბაბუებს ასეთ ტიპის ტყუილს ეუბნებიან, რომ შეძლებენ პენსიის 400 ლარამდე ზრდას. ეს მათემატიკურად არის შეუძლებელი, პოლიტიკური უპასუხისმგებლობა რომ არის, ეს კიდევ ცალკე საკითხია. პოლიტიკური პასუხისმგებლობა და ეს გუნდი ცოტა შორს არის ერთმანეთისგან, მაგრამ ამის უფლებასაც აძლევენ თავს, რომ ჩვენს ბებიებს, ბაბუებს და ამ თაობას ასეთ ტიპის ტყუილი მიუტანონ კომუნიკაციის სხვადასხვა არხის მეშვეობით. ეს სრულიად მიუღებელია და დარწმუნებული ვარ, ქართული საზოგადოება ამ ტყუილს აუცილებლად ადეკვატურ პასუხს გასცემს“, - განაცხადა მამუკა ბახტაძემ.

პრემიერ-მინისტრი ასევე გამოეხმაურა „ნაციონალური მოძრაობის“ და „ევროპული საქართველოს“ წარმომადგენლების შეხვედრას ჰელსინკიში და აღნიშნა, რომ მათი ე.წ ხელახლა გაერთიანება კიდევ ერთი ტყუილი და თვალთმაქცობაა.

„ერთობა მათ ჰქონდათ მუდმივად, რადგან ისინი ერთიანები იყვნენ სწორედ იმ ძალადობაში, რასაც ახორციელებდნენ 2012 წლამდე. დარწმუნებული ვარ, ქართული საზოგადოება კარგად ხვდება, რომ ეს ერთობა ყოველთვის იყო და საქმე გვქონდა იაფფასიან მცდელობასთან, „ნაციონალური მოძრაობის“ ერთ ნაწილს გარკვეულად დისტანცირება მოეხდინა იმ საერთო წარსულიდან, რომელიც მათ აერთიანებთ“, - განაცხადა მამუკა ბახტაძემ.

საკვანძო სიტყვები:

არ ვეთანხმები დაპირისპირების პროვოცირებას არც ერთი მხარის მხრიდან.- სალომე ზურაბიშვილი

15 ივნისი, 2019 , 14:52

მე ვარ ყველას პრეზიდენტი, არავინ უნდა უნდა იყოს დისკრიმინირებული, თუმცა არ ვეთანხმები დაპირისპირების პროვოცირებას არც ერთი მხრიდან,– ამის შესახებ საქართველოს პრეზიდენტმა, სალომე ზურაბიშვილმა მთავრობის ადმინისტრაცია

საერთაშორისო ორგანიზაციებთან ურთიერთობა ჩვენი სუვერენული უფლებაა, სუვერენული არჩევანი - ზურაბ აბაშიძე

14 ივნისი, 2019 , 10:14

საერთაშორისო ორგანიზაციებთან ურთიერთობა ჩვენი სუვერენული უფლება და არჩევანია, – ასე ეხმაურება რუსეთთან ურთიერთობების საკითხებში საქართველოს პრემიერ-მინისტრის სპეციალური წარმომადგენელი ზურაბ აბაშიძე რუსეთის საგარეო

ქვეყანაში საარჩევნო სისტემა პროპორციული უნდა იყოს, შერეული თუ მაჟორიტარული, ამ კითხვაზე პასუხი კონსტიტუციამ გასცა - თეა წულუკიანი

13 ივნისი, 2019 , 14:15

მისასალმებელია, რომ მმართველი გუნდი და პარლამენტში უმრავლესობა საკუთარი ინიციატივით ქმნის სამუშაო ჯგუფს, რომელმაც მომავალი წლის არჩევნებამდე ბევრად ადრე უნდა დაიწყოს და დაასრულოს მუშაობა საარჩევნო კანონმდებლობის ხარვეზებ

ოპოზიციის ერთმა ნაწილმა ფეხების ბაკუნი აირჩია - არჩილ თალაკვაძე

13 ივნისი, 2019 , 13:38

საპარლამენტო ოპოზიცია დღემდე ყველა გამოსვლაში იმეორებდა, რომ ეუთო-ს რეკომენდაციები მნიშვნელოვანია, ახლა როცა შევქმენით სამუშაო ფორმატი და რეკომენდაციებზე მუშაობა დავიწყეთ, მათ თქვეს, რომ ეს მეორეხარისხოვანია, – ამი

ოპოზიციას ვურჩევ, ცოტა დამაჯერებელი ტყუილი მოიფიქროს - კახა კალაძე კომპანია „ბილდინგ დეველოპერის“ შესახებ გაკეთებულ განცხადებებზე

11 ივნისი, 2019 , 19:11

თბილისის მერი კომპანია „ბილდინგ დეველოპერის“ შესახებ ოპოზიციის მიერ გაკეთებულ განცხადებებს სიცრუესა და ცილისწამებას უწოდებს და აცხადებს, რომ თბილისის მერიას, თავად მერს და მის მოადგილეს გაზის ტრანსპორტირების

სულ ანგელოზები რომ მოიყვანონ და სულ გენიოსები, მაინც არაფერი არ ეშველება - გია ხუხაშვილი

10 ივნისი, 2019 , 17:40

პოლიტოლოგი გია ხუხაშვილი "ქართულ ოცნებაში" დაანონსებულ საკადრო ცვლილებებთან დაკავშირებით ამბობს, რომ პარტიას განახლების შანსი არ აქვს, რადგან როდესაც საუბარი ცვლილებებზე დაიწყო, პარტიაში ირაკლი ღარიბაშვილი დააბრუნეს და მ

ვიდეო გალერეა

ქრისტე აღსდგა!