უახლესი ამბები
არქივი
პოლიტიკა
პეტრიაშვილს სექტემბერი პოლიტიკურად ცხელ სეზონად წარმოუდგენია
პარტია "თავისუფალი დემოკრატების" ერთ-ერთი ლიდერ, ალექსი პეტრიაშვილის განცხადებით, წინასაარცევნო გარემო იმასთან შედარებით რაც იყო, არის განსხვავებული.
ამასთან, პეტრიაშვილს სექტემბერი პოლიტიკურად ცხელ სეზონად წარმოუდგენია ვინაიდან, მისი აზრით, ამ დროს, პოლიტიკური აქტივობები პიკს მიაღწევს.
"წინასაარჩევნო გარემოს შეფასებასთან დაკავშირებით, უნდა ვიყოთ ობიექტურები, რა თქმა უნდა, რაც იყო, იმასთან შედარებით, გარემო არის განსხვავებული. თუმცა იყო ცალკეული შემთხვევები, რომელმაც გააჩინა განცდა, რომ სექტემბერი უფრო ცხელი იქნება. რაც შეეხება გაყალბების მცდელობას, თუ კი იქნება მსგავსი ტიპის მცდელობა, ჩვენ, "თავისუფალი დემოკრატები" დავიცავთ ჩვენს ხმებს და არც ერთი ხმის გაყალბების უფლებას მივცემთ ხელისუფლებას", - განაცხადა ალექსი პეტრიაშვილმა.
ალექსი პეტრიაშვილმა "თავისუფალი დემოკრატების" იმ საკანონმდებლო ინიციატივაზეც ისაუბრა, რომელზეც პარლამენტში ორიენტირებულები იქნებიან.
"ბევრი საკანონმდებლო ინიციატივა გვაქვს. პირველი და მთავარი რაც არის, ესაა ეკონომიკის მიმართულებით. ეს შეეხება მცირე და საშაუალო ბიზნესის ხელშეწყობას, ასევე, საგადასახადო სისტემის და სახელფასო მინიმუმის ინიციატივასა და საათობრივი ანაზღაურების შემოღებას. მინდა აქვე განვსაზღვრო, რომ ბიზნესი ვალდებული არ იქნება მაგალითად ვინმეს 500 ლარი გადაუხადოს, თუმცა მინიმალური საათობრივი ანაზღაურება იქნება კანონით გაწერილი", - განაცხადა ალექსი პეტრიაშვილმა.
მონიკა დავლიანიძე