საზოგადოება

პირველადი ჯანდაცვის სისტემა დღეს მზადყოფნაშია - ეკატერინე ტიკარაძე

ჯანდაცვის მინისტრის, ეკატერინე ტიკარაძის ინფორმაციით, ექიმები შესაბამის ტრენინგებს უკვე 2 თვეა გადიან და მათი მზაობა სრულყოფილია.

„პირველადი ჯანდაცვის სისტემა დღეს მზადყოფნაშია. ასევე მნიშვნელოვანია 112-ის ხაზი, რომელიც იქნება დაკავშირებული პირველად ჯანდაცვასთან, ის უკვე ასრულებს თავის სატესტო რეჟიმში მუშაობას და თბილისში უკვე წარმატებით ფუნქციონირებს. ჩვენი ტექნიკოსები მონიტორინგს ახორციელებენ და შეიძლება ითქვას, რომ 2 დღეში შესაძლებელი გახდება ზარების სრულად განხორციელება ყველანაირი შეფერხების გარეშე.

ექიმები 2 თვეზე მეტია უკვე გადიან შესაბამის ტრენინგს, რის შედეგადაც ჩვენ შეგვიძლია ვთქვათ, რომ მათი მზაობა არის სრულყოფილი, მაგრამ ჩვენი მხრიდან მაინც განხორციელდება მუდმივი მონიტორინგი, რათა არ მოხდეს გარკვეული გადაცდომა, რაც შესაბამისად შეიძლება იყოს რისკების მატარებელი,“ - განაცხადა ტიკარაძემ.