უკან
საზოგადოება
6 ოქტომბერი, 2017 11:40
პირველმა ლედიმ საბავშვო ბაღის მეორე სართულიდან გადმოვარდნილი ბავშვი მოინახულა
ფონიჭალაში, საბავშვო ბაღის მეორე სართულიდან გადმოვარდნილი ბავშვი კვლავ საავადმყოფოში რჩება.
მედიკოსების განმარტებით, გოგონას მდგომარეობა დამაკმაყოფილებელია, თუმცა მას მკურნალობა კვლავაც სჭირდება.
სპეციალისტების ვარაუდობენ, რომ ბავშვს რამდენიმე დღეში გაწერენ.
დაშავებული ბავშვი საავადმყოფოში საქართველოს პირველმა ლედიმ მოინახულა. მაკა ჩიჩუა შეხვდა ექიმებს და ბავშვის მშობლებს.
,,ბავშვი სტაბილურია და პრაქტიკულად, მშობელს შეუძლია უკვე წაიყვანოს და სახლში მიხედოს.
მინდა, რომ მაქსიმალურად მობილიზებულები ვიყოთ ყველანი, რათა ასეთ სახელმწიფო დაწესებულებებში როგორიც არის საბავშვო ბაღი, ნაკლებად ხდებოდეს ასეთი გაუთვალისწინებელი შემთხვევები“, - განაცხადა მაკა ჩიჩუამ.
ნინო ექვთიმიშვილი