უკან

უახლესი ამბები

დღის კალენდარი

ანონსები

არქივი

საზოგადოება

17 აპრილი, 2018 13:50
font-size

პლაკატებისა და ბანერების განთავსებასთან დაკავშირებით სანქციების გამკაცრებას საია არ ეთანხმება

საქართველოს ახალგაზრდა იურისტთა ასოციაცია მიუღებლად მიიჩნევს ადმინისტრაციულ სამართალდარღვევათა კოდექსში ინიცირებულ საკანონმდებლო ცვლილებებს, რაც ითვალისწინებს ცალკე მუხლის გამოყოფას, რომლითაც უფრო მაღალი ჯარიმები დაეკისრება მოქალაქეებს სხვადასხვა სახის წარწერების, ნახატების, სიმბოლოების თვითნებური შესრულებისთვის სხვადასხვა შენობასა თუ გზის სავალ ნაწილზე, ასევე პლაკატების, ლოზუნგების, ბანერების განთავსებაზე იმ ადგილებზე, რომლებიც საამისოდ არ არის გამოყოფილი.

არასამთავრობოს შეფასებით, აღნიშნულმა ცვლილებებმა შესაძლოა, გამოხატვის, შეკრებისა და გაერთიანების თავისუფლებები შეზღუდოს და პოლიციას უფლება მისცეს, სამართალდარღვევად შერაცხოს.

„დღეს საქართველოს ახალგაზრდა იურისტთა ასოციაციამ (საია) საქართველოს პარლამენტს წერილობითი მოსაზრებები წარუდგინა პარლამენტის წევრების, ზაზა გაბუნიას, არჩილ თალაკვაძის, მარიამ ჯაშის, ბექა ოდიშარიასა და ალექსანდრე ქანთარიას მიერ ინიცირებულ საკანონმდებლო პაკეტზე, რომლითაც იგეგმება ცვლილებების შეტანა საქართველოს ადმინისტრაციულ სამართალდარღვევათა კოდექსში.

წარმოდგენილი კანონპროექტის თანახმად, კოდექსს ემატება 1502 მუხლი, რომლითაც ხდება ქ. თბილისის მუნიციპალიტეტის იერსახის დამახინჯების 150-ე მუხლიდან ცალკე გამოყოფა და დაწესებულია უფრო მაღალი ჯარიმები, ვიდრე ეს 150-ე მუხლით დღეისათვის არის დადგენილი. კერძოდ, 1502 მუხლი იმეორებს 150-ე მუხლის შინაარსს (სამართალდარღვევას წარმოადგენს სხვადასხვა სახის წარწერების, ნახატების, სიმბოლოების თვითნებური შესრულება შენობათა ფასადებზე, ვიტრინებზე, ღობეებზე, სვეტებზე, ხე-ნარგავებზე, ფეხით მოსიარულეთა და სატრანსპორტო საშუალებების სავალ ნაწილზე, ასევე პლაკატების, ლოზუნგების, ბანერების განთავსება ისეთ ადგილებზე, რომლებიც საამისოდ არ არის გამოყოფილი), თუმცა, აღნიშნული ქმედების ქალაქ თბილისის მუნიციპალიტეტის ტერიტორიაზე განხორციელება, იწვევს უფრო მაღალე ჯარიმებს, ვიდრე ეს დღეისათვის არის დადგენილი.

საია მიიჩნევს, რომ:

- სანქციების გამკაცრება იმ ვითარებაში, როდესაც ადმინისტარციულ სამართალდარღვევათა კანონმდებლობით დადგენილი საქმის განხილვის პროცედურული ნაწილი შესაბამისობაში არ არის მოყვანილი საქართველოს კონსტიტუციასა და საერთაშორისო ხელშეკრულებებით ნაკისრ ვალდებულებებთან, არის გაუმართლებელი და ზრდის ადამიანის უფლებებში არამართლზომიერი ჩარევის რისკს;

- 150-ე მუხლის პრაქტიკაში გამოვლენილი განმარტებები პოლიციას აძლევს შესაძლებლობას, ხელისუფლებისთვის არასასურველი შინაარსის გამოხატვის ფორმები „იერსახის დამახინჯებად“, და შესაბამისად, სამართალდარღვევად დააკვალიფიციროს. საია-ს მოსაზრებით, აღნიშნული მუხლი ეწინააღმდეგება საქართველოს კონსტიტუციის 24-ე (გამოხატვის თავისუფლება), 25-ე (მშვიდობიანი შეკრების უფლება) და 26-ე (გაერთიანების თავისუფლება) მუხლებს;

- წარმოდგენილი კანონპროექტით არ აღმოიფხვრება ის შინაარსობრივი პრობლემა, რომლითაც 150-ე მუხლი ხასიათდება. კერძოდ, ადმინისტრაციულ სამართალდარღვევათა კოდექსის 150-ე მუხლი, ისევე როგორც კანონპროექტით გათვალისწინებული 1502 მუხლი, არ არის ვიწროდ მიზანმიმართული და აწესებს ზედმეტად ფართო შეზღუდვებს;

- აღნიშნული ნორმები ერთმანეთისაგან ვერ განასხვავებს ბანერის განთავსებას, რასაც ზიანი საერთოდ არ მოაქვს საჯარო და კერძო საკუთრებაში არსებული ქონებისათვის იმგვარი ქმედებისაგან, რომელსაც შესაძლოა მოჰყვეს იერსახის დამახინჯება;

- განსახილველი ნორმებით არ არის დაცული გონივრული ბალანსი ქალაქის ესთეტიკის დაცვის ლეგიტიმურ ინტერესსა და გამოხატვის, შეკრებისა და გაერთიანების თავისუფლებებს შორის. შესაბამისად, მნიშვნელოვანია, როგორც 150-ე, ასევე 1502 მუხლები ჩამოყალიბდეს იმგვარი შინაარსით, რომ არ იწვევდეს სპონტანური გამოხატვის სამართალდარღვევად მიჩნევას. წინააღმდეგ შემთხვევაში, დასახელებული ნორმებით გათვალისწინებული ჯარიმა (რამდენად მინიმალურიც არ უნდა იყოს ის), ისევე როგორც სიტყვიერი შენიშვნაც კი, აიძულებს პირს, უარი თქვას სამოქალაქო აქტივობაზე და კონსტიტუციით გარანტირებული უფლებებით სარგებლობაზე“, - წერია განცხადებაში.

ჩვენ გამოვდივართ სპეციალური რეჟიმის მდგომარეობიდან და ვუბრუნდებით მწვავე კრიტიკული გაშუქების რეჟიმს - ნიკა გვარამიამ

28 ივლისი, 2021 , 18:46

"მთავარი არხის" გენერალური დირექტორის გადაწყვეტილებით, ამიერიდან არხი სპეციალურ რეჟიმში მუშაობას ასრულებს და კვლავ გადადის მწვავე კრიტიკული გაშუქების რეჟიმზე. "მთელი ამ პერიოდის განმავლობაში მედიის მუშაობამ შეასრულა უნიკ

საქართველოს ეროვნული ბანკის ახალი ვებგვერდი - მარტივი, მოქნილი, თანამედროვე

28 ივლისი, 2021 , 17:57

დღეიდან, 28 ივლისიდან, ეროვნული ბანკის ოფიციალური ვებგვერდით სარგებლობას მომხმარებლები სრულიად ახალი და განსხვავებული დიზაინით, ფუნქციონალით და ფორმატით შეძლებენ. ეროვნული ბანკის ვებგვერდს ყოველდღიურად უამრავი მომხმარებე

1 აშშ დოლარის ოფიციალური ღირებულება 3.1052 ლარი გახდა

28 ივლისი, 2021 , 17:42

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.1052 ლარი შეადგინა. კურსი, რომელიც დღეს მოქმედებდა, 3.0892 ლარი იყო. შესაბამისად, დოლარის ცვლილებამ ეროვნუ

საქართველოს ბანკი UN Global Compact-ის წევრი გახდა

28 ივლისი, 2021 , 16:50

საქართველოს ბანკმა, როგორც მაღალი კორპორაციული  პასუხისმგებლობის მქონე კომპანიამ, კიდევ ერთი აღიარება მოიპოვა. ამჯერად ბანკი გაეროს გლობალური შეთანხმების, UN Global Compact-ის წევრი გახდა. UN Global Compact მსოფლიოშ

არ შეესაბამება სიმართლეს, რომ შემოსავლების სამსახური შევიდა ტელეკომპანია „მთავარ არხში` და ატარებს საგადასახადო შემოწმებას - შემოსავლების სამსახური

28 ივლისი, 2021 , 16:14

კონტროლის ღონისძიებების შესახებ, გადამხდელთათვის შეტყობინების გაგზავნა განხორციელდა ერთდროულად, ყველა კომპანიისთვის, შესაბამისი ბრძანების გამოცემისთანავე. ამის შესახებ, დღეს გამართულ ბრიფინგზე განცხადება გააკეთა ფინანსთა

ლაშა ბექაური ტოკიოს ოლიმპიადის გამარჯვებულია

28 ივლისი, 2021 , 15:27

საქართველოს ოლიმპიურმა ნაკრებმა ტოკიოში მიმდინარე ოლიმპიურ თამაშებზე პირველი ოქროს მედალი მოიპოვა. 90 კგ წონით კატეგორიაში მოასპარეზე ახალგაზრდა ლაშა ბექაურმა ფინალში გერმანელი ედუარდ ტრიპელი დაამარცხა და კარიერაში პირვე