უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
პოლიტიკაში ერთს პლიუს ერთი ყოველთვის არ არის ორი - თემურ შაშიაშვილი
„თეთრების“ ლიდერი თემურ შაშიაშვილი ხელოვნური პოლიტიკური გაერთიანებებისა და ბლოკების მიმართ ნეგატიურადაა განწყობილი.
მისი თქმით, სწორედ პოლიტიკურმა ბლოკებმა და გაერთიანებებმა „ყველა ერთის წინააღმდეგ“ დაამხო გამსახურდია, ამან დაასამარა შევარდნაძე, ასეთმა ერთიანობამ ქვეყნიდან განდევნა ქვეყნის ყოფილი პრეზიდენტი სააკაშვილი. ეხლა კი ყველა ერთად დაჯდა ივანიშვილის წინააღმდეგ...
„პოლიტიკაში ერთს პლიუს ერთი ყოველთვის არ არის ორი. შეიძლება ორი პარტიის შეერთებამ ორივე გაანულოს. მართალია, დღევანდელი ერთობა არ არის საარჩევნო ბლოკი, მაინც მე მკლავს ფორმულა „ყველა ერთის წინააღმდეგ“.
ივანიშვილი რომ ყოფილიყო დიდი ფიგურა, კიდევ მოვუნახავდი ამ გაერთიანებას გამართლებას, მაგრამ ის პოლიტიკაში სრული გაუგებრობაა! საერთოდ, მიმაჩნია, რომ შევარდნაძის კატასტროფა იყო „ნაციონალების“ მისვლა პოლიტიკაში, „ნაციონალების“ კატასტროფა კი ივანიშვილის შემოსვლა პოლიტიკაში. მე ზოგადად პატარკაციშვილის მიმართ ლოიალურად ვიყავი განწყობილი, მაგრამ მისთვის არაერთხელ მირჩევია, არ მოსულიყო პოილიტიკაში, რადგან მიმაჩნდა რომ მისთვის და საქართველოსთვისაც საბედისწერო იქნებოდა მისი პოლიტიკაში მოსვლა. იგივეს ვიტყოდი ივანიშვილთან მიმართებაში.
გამოსავალი ერთია, პოლიტიკაში უნდა დაბრუნდეს გონება! საქართველოში 30 წელია, ქუჩა და ემოცია მართავს ქვეყანას. ეს კი აწყობთ ბიზნესმენთა 90 პროცენტს, ვინც არეულობით სარგებლობს და დიდ ფულს შოულობს. დაწყნარებულ, დამშვიდებულ ქვეყანაში მათთვის გაცილებით ძნელი იქნებოდა ფულის შოვნა. “ - აცხადებს „თეთრების“ ლიდერი.