უკან

დღის კალენდარი

ანონსები

არქივი

პოლიტიკა

11 მაისი, 2018 12:45
font-size

პოლიტიკური პარტიები პრეზიდენტს მიმართავენ, ვეტო დაადოს „მოქალაქეთა პოლიტიკური გაერთიანებების შესახებ“ კანონს

19 პოლიტიკური გაერთიანება მიმართავს საქართველოს პრეზიდენტ გიორგი მარგველაშვილს, ვეტო დაადოს პოლიტიკური გაერთიანებების დაფინანსების შესახებ დამტკიცებულ საკანონმდებლო ცვლილებებს. განცხადების თანახმად, ახალი წესები პოლიტიკური კორუფციის გაჩენას გამოიწვევს.

„2018 წლის 18 აპრილს საქართველოს პარლამენტმა მესამე მოსმენით დაამტკიცა ცვლილებები საქართველოს ორგანულ კანონში „მოქალაქეთა პოლიტიკური გაერთიანებების შესახებ“, რომლის თანახმადაც, აღნიშნული კანონის 30-ე მუხლის მე-2 და მე-71 პუნქტი ჩამოყალიბდა შემდეგნაირად:

2. საქართველოს სახელმწიფო ბიუჯეტიდან პირდაპირ პარტიისთვის გასანაწილებლად გამოყოფილ თანხას იღებს საქართველოს ცენტრალურ საარჩევნო კომისიაში რეგისტრირებული ის პარტია, რომელიც:

ა) დამოუკიდებლად ან საარჩევნო ბლოკის შემადგენლობაში მონაწილეობდა არჩევნებში, თუ მან ან შესაბამისმა საარჩევნო ბლოკმა ბოლო საპარლამენტო ან ადგილობრივი თვითმმართველობის ორგანოთა საერთო არჩევნებში მიიღო არჩევნებში მონაწილე ამომრჩეველთა ხმების 3% ან 3%-ზე მეტი (ხმათა ეს რაოდენობა გამოიანგარიშება მთელ ქვეყანაში პროპორციული სისტემით ჩატარებულ არჩევნებში მიღებული ხმების მიხედვით);

ბ) დამოუკიდებლად ან საარჩევნო ბლოკის შემადგენლობაში მონაწილეობდა ბოლო საპარლამენტო არჩევნებში, თუ მისი ან შესაბამისი საარჩევნო ბლოკის წარდგენით არჩეულ იქნა მაჟორიტარი პარლამენტის წევრი და ეს პარტია საქართველოს პარლამენტში წარმოდგენილია ფრაქციით".
ბ) 71 პუნქტის შემდეგ დაემატოს შემდეგი შინაარსის 72 პუნქტი:

"72 ამ მუხლის 2 პუნქტის "ბ" ქვეპუნქტით გათვალისწინებული პარტია იღებს მხოლოდ საბაზო დაფინასებას ამ მუხლის მე-5 პუნქტით დადგენილი ოდენობით და ამ მუხლის მე-4 პუნქტით საპარლამენტო ფრაქციის შექმნისთვის დადგენილ დაფინანსებას (H)."

მიღებული ცვლილებებით სახელმწიფო ბიუჯეტიდან დაფინანსებას (როგორც საბაზისოს, ასევე საპარლამენტო ფრაქციის შექმნისათვის) მიიღებს ისეთი პარტია, რომელსაც არც საპარლამენტო და არც ადგილობრივ თვითმმართველობის არჩევნებში არ გადაულახავს ბარიერი და არ მიუღია არჩევნებში მონაწილე ამომრჩევლების ხმების 3%-იც კი.

საქართველოს პარლამენტის მიერ ,,მოქალაქეთა პოლიტიკური გაერთიანებების შესახებ” კანონში შეტანილი ცვლილებების სულისკვეთება პოლიტიკური პარტიების განვითარებას კი არ ემსახურება, არამედ პირდაპირ მორგებულია მხოლოდ ერთადერთ პარტიაზე - „მრეწველობა გადაარჩენს საქართველოს“.

მიღებული ცვლილება განსაკუთრებით ცინიკურია მაშინ, როდესაც საქართველოს პარლამენტის თავმჯდომარე ითხოვდა პარტიების საბიუჯეტო დაფინანსების გადახედვას, იმ მოტივით, რომ რიგი კვალიფიციური სუბიექტების რეალური მხარდაჭერა მოსახლეობის მხრიდან არ სცილდებოდა 1%-ს. კანონში შეტანილი ცვლილებით კი სახელმწიფო ბიუჯეტის ხარჯვითი ნაწილი მნიშვნელოვნად იზრდება.

განსაკუთრებული აღნიშვნის ღირსია ის საფრთხეები, რომელიც აღნიშნული კანონით გაჩნდება 2020 წლისთვის და მანიპულირების საშუალებას აძლევს პოლიტიკურ პროცესებში ჩართულ მხარეებს, კერძოდ, მომავალი არჩევნებისათვის არჩევნებში მონაწილე საარჩევნო სუბიექტებს უბიძგებს გარიგებაში შევიდეს მმართველ პოლიტიკურ ძალასთან და ერთი მაჟორიტარი დეპუტატის პარლამენტში გაყვანით გახდეს კვალიფიციური საარჩევნო სუბიექტი, მოიპოვოს საბიუჯეტო დაფინანსება და მისი თანმდევი ბონუსები. ყოველივე ეს კი უნდა დაკვალიფიცირდეს, როგორც პოლიტიკური კორუფცია ბიუჯეტის ხარჯზე.

ჩვენს მიერ ზემოთ აღნიშნულიდან გამომდინარე, თავისუფალი და სამართლიანი საარჩევნო გარემოს უზრუნველსაყოფად, რაც ქვაკუთხედია ჩვენი ქვეყნის დემოკრატიული განვითარებისა და საქართველოს ევროატლანტიკური მომავლისათვის, გთხოვთ, გამოიყენოთ კონსტიტუციით თქვენდამი მონიჭებული უფლება და საქართველოს პარლამენტის მიერ 2018 წლის 18 აპრილს საქართველოს ორგანულ კანონში "მოქალაქეთა პოლიტიკური გაერთიანებების შესახებ" შეტანილ ცვლილებებს დაადოთ ვეტო“, -წერია მიმართვაში, რომელსაც ხელს აწერენ შემდეგი პოლიტიკური სუბიექტები: ახალი მემარჯვენეები, ახალი საქართველო, დემოკრატიული მოძრაობა, ევროპელი დემოკრატები, ევროპული საქართველო - მოძრაობა თავისუფლებისთვის, ერთიანი ნაციონალური მოძრაობა, ეროვნულ-დემოკრატიული პარტია, თავისუფალი დემოკრატები, თავისუფალი საქართველო, თავისუფლება , „სამოქალაქო ალიანსი თავისუფლებისათვის“, „სახელმწიფო ხალხისთვის“ , ლეიბორისტული პარტია, რესპუბლიკური პარტია, საქართველოს პატრიოტთა ალიანსი, ტრადიციონალისტთა კავშირი, ქრისტიან-დემოკრატიული მოძრაობა, შენების მოძრაობა, ძალოვან ვეტერანთა და პატრიოტთა პოლიტიკური მოძრაობა

ოპოზიციის გეგმა არის მწვავე პროტესტის გაგრძელება - გიგა ბოკერია

20 იანვარი, 2020 , 17:05

მთელმა საზოგადოებამ გადავწყვიტეთ, უნდა გვქონდეს სისტემა, რომელიც ამცირებს ან გამორიცხავს შანსებს, ამომრჩევლების მეოთხედი მხარადჭერით ვინმეს ჰქონდეს უმრავლესობა, – ამის შესახებ „ევროპული საქართველოს“ ერთ

„ქართულმა ოცნებამ“ საკუთარი თავი ამოწურა - დავით ჭიჭინაძე

20 იანვარი, 2020 , 16:15

„ქართულმა ოცნებამ“ დაკარგა გამარჯვების მთავარი პარტნიორი - ქართველი ხალხი - და აწი რას გაითვალისწინებს და რას არა, ამას არსებითი მნიშვნელობა აღარ ექნება. ამის უნდა ეშინოდეს ყველაზე მეტად „ოცნებას“

ირაკლი ღარიბაშვილი ჩეხეთის რესპუბლიკის ელჩს შეხვდა

20 იანვარი, 2020 , 14:20

საქართველოს თავდაცვის მინისტრმა ჩეხეთის რესპუბლიკის საგანგებო და სრულუფლებიან ელჩს უმასპინძლა. ირაკლი ღარიბაშვილმა და პეტერ მიკისკამ შეხვედრაზე ორმხრივი თანამშრომლობის საკითხები და სამომავლო გეგმები განიხილეს. ამის შესახ

საქართველოს პრეზიდენტი მსოფლიო ჰოლოკოსტის ფორუმზე მონაწილეობის მისაღებად ისრაელში მიემგზავრება

20 იანვარი, 2020 , 10:50

საქართველოს პრეზიდენტი, მსოფლიო ლიდერებთან ერთად, იერუსალიმში ჰოლოკოსტის მსხვერპლთა ხსოვნის ცერემონიასა და მსოფლიო ჰოლოკოსტის მე-5 ფორუმს დაესწრება. პრეზიდენტის ადმინისტრაციის ინფორმაციით, ისრაელში დაგეგმილი სამუშაო ვიზი

როგორც კონგრესის წევრი, გწერთ ჩემი მზარდი შეშფოთების გამო - მარკუეინ მალინი

20 იანვარი, 2020 , 10:50

საქართველომ ბოლო წლებში გადაუხვია დემოკრატიული ღირებულებებიდან, რაც ქართულ-ამერიკულ სტრატეგიულ პარტნიორობას აზარალებს. ყოველივე ეს შესაძლოა ქვეყნისთვის სანქციების დაწესებით დასრულდეს. აღნიშნული შინაარსის ღია წერილით ამერ

როგორი იქნება ბიძინა ივანიშვილის პოლიტიკური სერიალის ფინალური სერია

18 იანვარი, 2020 , 15:35

როგორი იქნება ბიძინა ივანიშვილის პოლიტიკური სერიალის ფინალური სერია - "მთავარი არხის" ინფორმაციით, ივანიშვილი მთავრობაში საკადრო ცვლილებებს გეგმავს. პრემიერ გახარიას თავად ივანიშვილი შეცვლის და მასთან ერთად, მეორედ დაბრუ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`