უკან

უახლესი ამბები

დღის კალენდარი

ანონსები

არქივი

პოლიტიკა

16 მაისი, 2018 17:30
font-size

პოლიცია ჩვენი საზოგადოების უსაფრთხოების სამსახურშია და ეს მონაპოვარი შედგა - ირაკლი სესიაშვილი

ქვეყანამ დაამტკიცა, რომ პოლიცია ჩვენი საზოგადოების უსაფრთხოების სამსახურშია და ეს მონაპოვარი შედგა, – განაცხადა საქართველოს პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა პარლამენტის პლენარულ სხდომაზე და აღნიშნულით საპარლამენტო უმცირესობის წარმომადგებლების განცხადებებს გამოეხმაურა.

„ბატონო სერგო, ბატონო ოთარ, ბატონო რომან, არ მინდოდა მეპასუხა, მაგრამ მაიძულებთ. მგონი, რეალობის აღქმა დაკარგული გაქვთ და ძალადობა რა არის ვერ ხვდებით. მინდა შეგახსენოთ, რომელი პოლიტიკური ძალის მემკვიდრეები ხართ; 26 მაისს სისხლის გუბეებში რომ იდექით, ბედნიერი სახეებით თქვენს პოლიტიკურ ბელადს ტაშს რომ უკრავდით და რამდენიმე მეტრში ორი გვამი რომ არ იყო გაციებული. იმ პოლიტიკური ძალის მემკვიდრეები ხართ და ძალადობა ესაა. მე თქვენ დაგანახებთ დღევანდელი რეალობა რა არის. რუსთაველის გამზირზე მეც არანაკლები რეალობის მომსწრე ვყოფილვარ და არაერთ მიტინგში მიმიღია მონაწილეობა, მაგრამ ჩვენ 12 მაისს პირველად ვნახეთ რუსთაველის გამზირზე შეიარაღებული პოლიცია, სპეცტექნიკით, რომელიც მიმართული იყო არა ჩვენი მშვიდობიანი თანამოქალაქეების წინააღმდეგ, არამედ ჩვენი მოქალაქეების დასაცავად. დასაცავად იმ ძალიან ძვირფასი ღირებულების და მონაპოვარის, რაც სიტყვისა და გამოხატვის თავისუფლებაა, რომელიც ამ ქვეყანაში დამკვიდრდა და განმტკიცდა. თქვენ ამ შედარებას ვერ აკეთებთ. იმიტომ, რომ რეალობა არ გაწყობთ. ეს რეალობა თქვენს პოლიტიკურ პერსპექტივებს ანგრევს. ამიტომ ეძებთ და ცდილობთ თქვენი მორიგი ტყუილებით საზოგადოებას შთაბეჭდილება შეუქმნათ, თითქოს ჩვენს ხელისუფლებას რაიმე ფორმით შეხება ჰქონოდა იმ ფაშისტურ თუ ძალადობრივ გამოვლინებასთან, რაც მეორე მხარეს იდგა“, – განაცხადა ირაკლი სესიაშვილმა.

მისივე თქმით, საქართველომ დაამტკიცა, რომ პოლიცია საზოგადოების უსაფრთხოების სამსახურშია.

„მინდა, ჩემი პირადი დამოკიდებულება გითხრათ. ჩემთვის მიუღებელი იყო როგორც ერთი, ისე მეორე მხარის როგორც პოზიცია, როგორც განცხადებები, როგორც შეხედულებები, ისე ქცევა და ქცევის წესი. მაგრამ ამ ქვეყანამ დაამტკიცა, რომ პოლიცია ჩვენი საზოგადოების უსაფრთხოების სამსახურშია და ეს მონაპოვარი შედგა. ამ ქვეყნისთვის ყველაზე ღირებული გამოხატვის თავისუფლებაა, რაც ასევე თქვენც უნდა გიხაროდეთ“, – აღნიშნა პარლამენტის თავდაცვისა და უშიშროების კომიტეტის თავმჯდომარემ მისი თქმით, არ იქნება სწორი რომელიმე საზოგადოებრივი ჯგუფისგან მტრის ხატის შექმნა. ირაკლი სესიაშვილის განცხადებით, გამოკვეთილი პრობლემებიდან გამომდინარე, საჭიროა საჯარო ინტერესზე დაფუძნებული გადაწყვეტილების მიღება.

„მე არ მინდა, თვალი არ გავუსწოროთ იმ პრობლემებს, რომელიც ამ ვითარებაში გამოჩნდა. მეტიც, მინდა მოგიწოდოთ, რომ მიუღებელია, რომ ჩვენ რომელიმე ჯგუფისგან მტრის ხატი შევქმნათ. იმიტომ, რომ ესენიც ჩვენი საზოგადოების ნაწილი არიან და თუ მათში არის პრობლემა, ე.ი. პრობლემა ჩვენშია. ჩვენი ამოცანაა, ამ პრობლემებიდან და გამოწვევებიდან გამომდინარე, სწრაფად მივიღოთ გადაწყვეტილება, რომელიც, პირველ რიგში, დაფუძნებული იქნება საჯარო ინტერესზე და არა რომელიმე ჯგუფის მხოლოდ ნებაზე, რომ მისი სურვილების რეალიზება მოხდეს“, – განაცხადა სესიაშვილმა.

საკვანძო სიტყვები:

ეს იყო ქვეყნის დემოკრატიისთვის უკან გადადგმული ნაბიჯი - ნატო-ს საპარლამენტო ასამბლეის პრეზიდენტი

25 თებერვალი, 2020 , 19:06

ნატო-ს საპარლამენტო ასამბლეის პრეზიდენტი, ატილა მესტერჰაზი საქართველოში ბოლო პერიოდში მიმდინარე მოვლენებს გამოეხმაურა. ამის შესახებ გამოქვეყნებულია ოფიციალური განცხადება ნატოს საპარლამენტო ასამბლეის ოფიციალურ გვერდზ

დავით ზალკალიანი ევროპის საბჭოს გენერალურ მდივანს შეხვდა

25 თებერვალი, 2020 , 17:44

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან. შეხვედრაზე კიდევ ერთხელ წარ

შექმნილი სიტუაციის გამო, ხელისუფლება ცაიტნოტშია და დგას დიდი დილემის წინაშე - გელა კვაჭანტირაძე

25 თებერვალი, 2020 , 16:25

დამოუკიდებელ ექსპერტთა ასოციაციის თავმჯდომარემ - გელა კვაჭანტირაძემ ბოლო პერიოდის პოლიტიკურ მოვლენებთან დაკავშირებით განცხადება გააკეთა. „ როგორც ცნობილია, უკვე იწურება ის გონივრული ვადა, რომლის შემდეგ ხელისუფლებას

დავით ზალკალიანი შვედ კოლეგას შეხვდა

25 თებერვალი, 2020 , 15:05

საქართველოს საგარეო საქმეთა მინისტრი დავით ზალკალიანი გაერო-ს ადამიანის უფლებათა საბჭოს მაღალი სეგმენტის სესიის ფარგლებში შვედეთის საგარეო საქმეთა მინისტრს ან ლინდეს შეხვდა. ამის შესახებ „მედიანიუსს“ საგარეო

რა არის მოსალაპარაკებელი? ყველაფერი ცნობილია! - გიგა ბოკერია

25 თებერვალი, 2020 , 11:35

„რა არის მოსალაპარაკებელი? ყველაფერი ცნობილია! თუ რამე გადაწყვეტილება აქვთ ამის შეტყობინების საჯაროდ ან არასაჯაროდ უამრავი გზა არის,“ - ამის შესახებ „ევროპული საქართველოს“ ერთ-ერთმა ლიდერმა, გიგა

დადგა დრო ნატო-მ უპასუხოს ჩვენს მოთხოვნას ალიანსში გაწევრიანებაზე - გიორგი გახარია

25 თებერვალი, 2020 , 11:15

რუსეთი დღესაც ეწინააღმდეგება საქართველოს სრულფასოვან წევრობას ნატოში; სწორედ ახლა დადგა დრო, ნატომ უპასუხოს ჩვენს მოთხოვნას ნატოში გაწევრიანებასთან დაკავშირებით, - ამის შესახებ საქართველოს პრემიერ-მინისტრი გიორგი გახარია

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`