უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
პოლონეთი საქართველოს მხარს უჭერს ყველა მიმართულებით, მათ შორის საერთაშორისო ორგანიზაციების ფარგლებში - იაცეკ ჩაპუტოვიჩი
პოლონეთი საქართველოს მხარს უჭერს ყველა მიმართულებით, მათ შორის საერთაშორისო ორგანიზაციების ფარგლებში. შეგახსენებთ, რომ ამა წლის 10 აგვისტოს, გაეროს უშიშროების საბჭომ გამართა კონსულტაციები, სადაც პოლონურმა მხარემაც მიიღო მონაწილეობა და ერთ-ერთი უმთავრესი მიზეზი, იმისა თუ რატომაც იყო წარმოდგენილი პოლონეთი კონსულტაციებში, გახლდათ 2008 წლის რუსეთ-საქართველოს აგვისტოს ომის 10 წლისთავის საკითხი, - განაცხადა პოლონეთის საგარეო საქმეთა მინისტრმა იაცეკ ჩაპუტოვიჩმა საქართველოს საგარეო საქმეთა მინისტრთან, დავით ზალკალიანთან ორმხრივი შეხვედრის შემდეგ გამართულ ერთობლივ მედია ბრიფინგზე.
სიტყვით გამოსვლისას პოლონეთის საგარეო უწყების ხელმძღვანელმა ხაზი გაუსვა ასევე ქვეყნებს შორის ორმხრივ თანამშრომლობას, განსაკუთრებით კი საკანონმდებლო ორგანოების დონეზე.
„მინდა კმაყოფილებით აღვნიშნო, რომ დღეს პოლონეთის სეიმმა მიიღო რეზოლუცია, რომელიც ეძღვნება რუსეთის მიერ საქართველოს წინააღმდეგ განხორციელებული აგრესიის 10 წლისთავთან დაკავშირებულ მოვლენებს. ჩვენ კარგად გვახსოვს, რომ 2008 წლის აგვისტოს მოვლენებისას პოლონეთის იმდროინდელი პრეზიდენტი ლეხ კაჩინსკი თბილისს ეწვია და მხარდაჭერა გამოუცხადა საქართველოს“ - დასძინა იაცეკ ჩაპუტოვიჩმა.