მსოფლიო
პოლონეთმა სმოლენსკთან მომხდარი კატასტროფის პროვოცირებაში, რუსი დისპეჩერები დაადანაშაულა
პოლონეთის გენერალურმა პროკურატურამ, 2010 წელს სმოლენსკთან მომხდარ ავიაკატასტროფაზე პასუხისმგებლობა რუს დისპეჩერებს დააკისრა.
ვარშავაში გამართულ პრესკონფერენციაზე, პოლონეთის გენერალური პროკურორის მოადგილემ მარეკ პოშჩენეკმა აღნიშნა, რომ გამოძიების მსვლელობისას მოპოვებული მტკიცებულებები იძლევა საფუძველს ბრალი რუს დისპეჩერებს წაუყენონ.
პროკურორის თქმით,დისპეჩერებმა კატასტროფის პროვოცირება მიზანმიმართულად განახორციელეს.
თავის მხირვ რუსეთის პრეზიდენტის პრესმდივანმა დიმიტრი პესკოვმა განაცხადა, რომ „შეუძლებელია პოლონელ გამომძიებლებს დაეთანხმო“.
მანვე აღნიშნა, კატასტროფის გამოძიება რუსეთში მიმდინარეობს და „მომავლშიც გაგრძელდება“.
შეგახსენებთ, რომ პოლონეთის პრეზიდენტის თვითმფრინავმა, რომლის ბორტზე 96 მაღალჩინოსანი, მათ შორის ქვეყნის პრეზიდენტი და მისი მეუღლე იმყოფებოდნენ, სმოლენსკთან კატასტროფა განიცადა.
თვითმფრინავში მყოფი ყველა ადამიანი დაიღუპა.
ტრაგედია 2010 წლის 10 აპრილს მოხდა.
მონიკა დავლიანიძე