კომენტარი

პოროშენკოს დიდი შეცდომა იყო, როდესაც მეგობარი ქვეყნის ძებნილი ადამიანი გუბერნატორად დანიშნა - ნუკრი ქანთარია

საპარლამენტო უმრავლესობის წევრი, ნუკრი ქანთარია უკრაინაში მიხეილ სააკაშვილის დაკავების ფაქტს გამოეხმაურა და აღნიშნა, რომ პოროშენკო იმას იმკის, რაც დათესა.

“ძალიან სამარცხვინოა ის, რომ ერთ დროს საქართველოს პრეზიდენტი სახურავებზე დარბის. ეს, რა თქმა უნდა, არ არის ჯანსაღი სიტუაცია და ვფიქრობ, რომ ბატონი პოროშენკო იმას იმკის, რაც მან თავის დროზე დათესა, ეს მისი დიდი შეცდომა იყო, როდესაც მეგობარი ქვეყნის ძებნილი ადამიანი გუბერნატორად დანიშნა და შემდეგ ისე განვითარდა მოვლენები, როგორც ვხედავთ, მას თავად შეექმნა დისკომფორტი და პრობლემა. ივანიშვილისთვის ის საინტერესო არ არის“, - განაცხადა ნუკრი ქანთარიამ.

ნინო ექვთიმიშვილი