უკან

უახლესი ამბები

დღის კალენდარი

ანონსები

არქივი

რეგიონები

11 თებერვალი, 2019 12:23
font-size

პრემიერ-მინისტრმა თხილის სექტორში არსებული გამოწვევების უმოკლეს ვადაში გადასაჭრელად დავითაშვილს კომპლექსური ნაბიჯების გადადგმა დაავალა

საქართველოს პრემიერ-მინისტრმა თხილის სექტორში არსებული გამოწვევების უმოკლეს ვადაში გადასაჭრელად გარემოს დაცვისა და სოფლის მეურნეობის მინისტრს კომპლექსური ნაბიჯების გადადგმა დაავალა.

მთავრობის მეთაურის დავალების შესაბამისად, ფერმერებს დეტალური ინფორმაცია უნდა მიეწოდოთ აზიურ ფაროსანასა და თხილის სოკოვან დაავადებებთან ბრძოლის მეთოდებზე, რათა ზიანი მინიმუმამდე შემცირდეს და მოსახლეობამ ხარისხიანი მოსავალი მიიღოს. პრემიერი მიიჩნევს, რომ წლევანდელი წელი მავნებელთან ბრძოლაში გამორჩეული უნდა იყოს, რისთვისაც შესაბამისი საბიუჯეტო რესურსი უკვე გამოყოფილია.

„გასულ წელს ჩვენ გვქონდა წარმატება აზიურ ფაროსანასთან ბრძოლის კუთხით, მაგრამ წლევანდელი წელი უნდა იყოს კიდევ უფრო გამორჩეული. არ უნდა დავტოვოთ არც ერთი ოჯახი, არც ერთი ფერმერი, რომელიც არ იქნება ინფორმირებული ბრძოლის მეთოდებსა და იმ პროგრამასთან დაკავშირებით, რომელიც ბიუჯეტში ჩაიდო და რომელსაც უკვე ვახორციელებთ. ფაროსანასთან ბრძოლის პარალელურად, მოსახლეობის ინფორმირება მაქსიმალური უნდა იყოს სოკოვან დაავადებებთან დაკავშირებითაც, რომელმაც ასევე მნიშვნელოვანი ზარალი მიაყენა თხილის სექტორს და ჩვენს საექსპორტო პოტენციალს“, - განაცხადა პრემიერ-მინისტრმა.

მამუკა ბახტაძემ ლევან დავითაშვილისგან „თხილის დაცვის პროგრამით“ გაწერილი სამოქმედო გეგმა მოისმინა. მინისტრის განმარტებით, კომპლექსური ღონისძიებების გეგმა მეთხილე ფერმერებს საშუალებას მისცემს, თხილის დაცვის და მაღალი ხარისხის მოსავლის მიღების მიზნით, მავნებლების და სოკოვანი დაავადებების წინააღმდეგ დროულად და ეფექტიანად ჩაატარონ აგროსამუშაოები, რათა თავიდან აიცილონ თხილის მოსავლის დაზიანება და ეკონომიკური ზარალი. ამ პროცესის ხელშეწყობის მიზნით, სახელმწიფო შეისყიდის და თხილის მწარმოებელთა ასოციაციას გადასცემს 2 000 ერთეულ მაღალი ეფექტურობის შესაწამლ აპარატს და უსაფრთხოების საშუალებებს; ასევე, თხილის მწარმოებელთა ასოციაციის ჩართულობით უზრუნველყოფს საკონსულტაციო სამუშაოების ჩატარებას და აგროკონსულტანტების მომსახურებას ფერმერთა ჯგუფებისთვის.

პრემიერი მსოფლიო ბაზარზე თხილის ფასთან დაკავშირებული ტენდენციითაც დაინტერესდა. მამუკა ბახტაძემ ხაზი გაუსვა თხილის ექსპორტის კუთხით საქართველოში არსებულ პოტენციალს და აღნიშნა, რომ საბოლოო წარმატება არა მავნებლის დამარცხება, არამედ მაღალი ხარისხის პროდუქციის მაქსიმალური ექსპორტი იქნება.

მთავრობის მეთაური მინისტრს ასევე ესაუბრა კაკლოვანი კულტურების განაშენიანების ხელშეწყობასა და ამ კუთხით არსებულ პერსპექტივებზე.

მეთხილეობის დარგის განვითარების მნიშვნელობაზე, სახელმწიფოს ხედვასა და თხილის კულტურის დაცვის მიზნით დაგეგმილ ღონისძიებებზე გარემოს დაცვისა და სოფლის მეურნეობის მინისტრი ზუგდიდში დაგეგმილ კონფერენციაზე ისაუბრებს, რომლის მუშაობაში 400-მდე ფერმერი, მსხვილი მწარმოებლები, ექსპორტიორები, ადგილობრივი ხელისუფლების, არასამთავრობო, საერთაშორისო და დონორი ორგანიზაციების წარმომადგენლები მონაწილეობენ.

ზუგდიდში მცხოვრებ დევნილებს სააღდგომო ნობათი გადაეცათ

26 აპრილი, 2019 , 14:47

სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა რეზო ქობალიამ და წარმომადგენლობის თანამშრომლებმა საქველმოქმედო აქცია „ვიზრუნოთ ერთმანეთზე“ ფარგლებში

ქუთაისის ისტორიული უბნის პროექტირებაზე ტენდერი გამოცხადდა

26 აპრილი, 2019 , 14:14

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ქუთაისში ისტორიული საცხოვრებელი უბნის და დავით კაკაბაძის სახელობის სახვითი ხელოვნების გალერეის პროექტირებაზე ტენდერი გამ

გორიჯვართან ახალგაზრდა მამაკაცი გარდაცვლილი იპოვეს

23 აპრილი, 2019 , 22:58

გორში, გორიჯვრის მიმდებარედ ახალგაზრდა მამაკაცი გარდაცვლილი იპოვეს. წინასწარი ინფორმაციით, ახალგაზრდა კაცმა თავი ჩამოიხრჩო. შემთხვევის ადგილზე ექსპერტ-კრიმინალისტები მუშაობენ. შსს-ს ინფორმაციით, მომხდარზე გამოძიება სსკ-ი

პანკისში დაშავებულებიდან თელავის რეფერალურ საავადმყოფოში 16 პირი რჩება

22 აპრილი, 2019 , 11:00

პანკისში მომხდარი დაპირისპირებისას დაშავებულებიდან თელავის რეფერალურ საავადმყოფოში ამ დროისთვის 16 პირი რჩება. მედიკოსების თქმით,  დაშავებული პაციენტებიდან ძირითადად ის პოლიციელები არიან, რომლებმაც დაზიანებები თავის

ბათუმის პორტში აშშ-ის სამხედრო საზღვაო ძალების ხომალდი შემოვიდა

22 აპრილი, 2019 , 10:40

ბათუმის პორტში აშშ-ის სამხედრო საზღვაო ძალების ხომალდი „იუესეს როსი“ (USS Ross) შემოვიდა. ეს აღნიშნული გემის პირველი ვიზიტია საქართველოში. საქართველოში აშშ-ის საელჩოს ინფორმაციით, სამხედრო ხომალდის ეკიპაჟის წ

ზუგდიდის საავადმყოფოში 10 არასრულწლოვანი ინტოქსიკაციის ნიშნებით მოათავსეს

20 აპრილი, 2019 , 14:33

ზუგდიდის რეფერალურ ჰოსპიტალში უცხოეთის მოქალაქე 10 არასრულწლოვანი შეიყვანეს. „წუხელ სასწრაფო დახმარების ბრიგადამ ათი არასრულწლოვანი პაციენტი შემოიყვანა, რომელთაც აღენიშნებოდათ გულისრევის შეგრძნება, ღებინება, ზოგადი