უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
პრემიერები იცვლებიან, პროკურორები მიდიან და ბრუნდებიან, მაგრამ დანაშაულის გამოძიება ყოველთვის იბლოკება - დავით ჭიჭინაძე
როდესაც გამოძიება პროკურორების, გენერალური პროკურორების და მინისტრების დონეზე ფერხდება, ივანიშვილი საქმის კურსში უნდა იყოს, ვინაიდან ამ ტალახს ის შეუთანხმებლად არ აიტანს. ფაქტია, რომ პრემიერები იცვლებიან, პროკურორები მიდიან და ბრუნდებიან, მაგრამ დანაშაულის გამოძიება ყოველთვის იბლოკება, - ასე ეხმაურება პოლიტიკური მოძრაობა „ტრიბუნას“ ლიდერი, დავით ჭიჭინაძე გიორგი შაქარაშვილის საქმეს და ვარაუდობს, რომ „ხელისუფლების მიღმა კიდევ არსებობს რაღაც ფარული ჯგუფი, რომელიც ამ ყველაფერს მფარველობს“.
მისივე თქმით, შაქარაშვილის საქმესთან დაკავშირებითაც უამრავი კითხვაა.
„ძალიან ცუდი ტენდენცია გვაქვს. ყველა დანაშაული, რომელიც მოზარდებს ეხება, ამ ქვეყანაში სამწუხაროდ, სკანდალის თემა ხდება, რადგან გამოძიება პრაქტიკულად არასოდეს მთავრდება იმ სრული შედეგით, რასაც საზოგადოება ელოდება. ყოველი გამოძიების შემდეგ კიდევ უფრო მეტი კითხვა ჩნდება: ვინ მფარველობს, ვინ არის ამ ხელისუფლებაში ასეთი მონსტრი, ან რა ჯგუფია ესეთი, რომლისთვისაც ყველაფერი დაშვებულია. ანუ გამოდის, რომ არსებობს რაღაც ფარული ჯგუფი, ხელისუფლების მიღმა, რომელიც ამ ყველაფერს მფარველობს. ამიტომ, ჩემი აზრით, მთავარი გამოსააშკარავებელი სწორედ ეს არის. რადგან ყველა ვხვდებით, რომ ძალიან მაღალი მფარველობის გარეშე, ვერც კვალის წაშლა მოხდება, ვერც ყველაფრის თავდაყირა დაყენება და ვერც დაზარალებულის დისკრედიტაციის მცდელობა, რაც ძალიან შემაშფოთებელია.
შაქარაშვილის საქმესთან დაკავშირებითაც უამრავი კითხვაა, ძალიან ბევრი დარღვევა, რომელსაც ჯერ მხოლოდ მედია ავლენს. მაგრამ იმ ფონზე, როდესაც ჩვენ მოსმენილი გვაქვს, რომ ამ ქვეყანაში არაფორმალური გარჩევები იმართებოდა და ამ გარჩევას მაშინდელი მთავარი პროკურორი, ახლანდელი გენერალური პროკურორი ესწრებოდა; მასში მონაწილე ზოგიერთი ადამიანი კი იმასაც ამბობობს, რომ ეს თურმე ნორმალური ამბავია და როდესაც ვინც ხელისუფლებაში იმყოფება, მასთან თურმე უნდა გააპრავონ ეს მიდგომა - პრინციპში გასაკვირიც არაფერია.
მოკლედ, ერთადერთი ადამიანი ვისაც შეუძლია ყველას განაჩენი გამოუტანოს ამ ქვეყანაში, არის ბიძინა ივანიშვილი. ამიტომ, თუ სადმე რამე ფერხდება, მე არამგონია, რომ ის საქმის კურსში არ იყოს. განსაკუთრებით, როდესაც პროკურორების, გენერალური პროკურორების და მინისტრების დონეზე ფერხდება გამოძიება. სისტემა ისე მუშაობს, რომ ივანიშვილი საქმის კურსში უნდა იყოს, ვინაიდან ამ ტალახს ის შეუთანხმებლად არ აიტანს,“ – აცხადებს დავით ჭიჭინაძე.