კომენტარი

პრემიერის განცხადება იყო კონკრეტული გზავნილებითა და კონკრეტულ ფორმატებთან დაკავშირებული - მიხეილ ჯანელიძე

პრემიერ-მინისტრის განცხადება იყო ძალიან კონკრეტული, კონკრეტული გზავნილებითა და კონკრეტულ ფორმატებთან დაკავშირებული, - ასე აფასებს საქართველოს საგარეო საქმეთა მინისტრი, მიხეილ ჯანელიძე პრემიერის იმ მიმართვას, რომელიც გიორგი კვირიკაშვილმა რუსეთის ფედერაციის ხელისუფლებას გაუგზავნა.

„მოლაპარაკებები იმართება ჟენევის საერთაშორისო დისკუსიების ფორმატში, ეს საკითხი პრემიერ-მინისტრის მხრიდან ადრეც იქნა გაჟღერებული და მისი მზაობა, რომ ის პირადად ჩაერთოს ამ ფორმატში, რათა მოძებნილი იქნას შესაბამისი გადაწყვეტილებები და კონფლიქტის დარეგულირების გზები.

პრემიერ-მინისტრის განცხადება იყო ძალიან კონკრეტული, კონკრეტული გზავნილებითა და კონკრეტულ ფორმატებთან დაკავშირებული. ველით, რომ რუსეთის ფედერაცია შეასრულებს ნაკისრ ვალდებულებებს უპასუხებს არამხოლოდ საქართველოს მთავრობის, არამედ საერთაშორისო საზოგადოების მოთხოვნებს“, - ამბობს ჯანელიძე.

ნინო ექვთიმიშვილი