ეკონომიკა

პრემიერის ინიცივატივა, ერთმნიშვნელოვნად შეამსუბუქებს მოსახლეობისთვის ფინანსური ვალდებულებების მომსახურებას- ანდრია გვიდიანი

არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაცია“ მთავრობის მიერ წარდგენილ სტრატეგიას დედოლარიზაციასთან დაკავშირებით, დადებითად აფასებს.

როგორც ორგანიზაციის ანალიტიკოსმა ანდრია გვიდიანმა პრესკონფერენციაზე განაცხადა, პრემიერ-მინისტრის ახალი ინიცივატივა, ერთმნიშვნელოვნად შეამსუბუქებს მოსახლეობისთვის ფინანსური ვალდებულებების მომსახურებას.

„აღნიშნული მიდგომა მკვეთრად შეამცირებს დოლარზე მოთხოვნას. აღსანიშნავია, რომ საცალო დაკრედიტებაში 100 ათას ლარიანი ლიმიტი დაწესდება, ეს კი დაიცავს ყველაზე მოწყვლად სექტორს, რომლებზეც ნეგატიურად მოქმედებდა დოლარიზაციით გამოწვეული სავალუტო რისკები’’, - განცხადა ანდრია გვიდიანმა.

კითხვაზე, რამდენად დააზარალებს ბანკებს მიღებული ინიციატივა, ვინაიდან მათ დოლარში აქვთ აღებული ვალდებულებები ანალიტიკოსმა თქვა, რომ წარდგენილი სტრატეგია მათთვის არავითარ შემთხვევაში არ იქნება მკვეთრად დამაზიანებელი.

„ცხადია, ბანკებს ვალდებულებები აქვთ დოლართან მიმართებაში, მაგრამ ჩვენ ვსაუბრობთ 100 ათას ლარიან ლიმიტზე, რომელიც არ შეიძლება აღმოჩნდეს მკვეთრად დამაზიანებელი. პრემიერის მიერ წარდგენილი სტრატეგიით, პირიქით ბიზნესს ბიძგს მისცემს, რათა რეალური ეკონომიკური მდგომარეობა გააუმჯობესოს. საერთო ჯამში კი შემიძლია ცვლილება პოზიტიური კონტექსტით შევაფასო’’, - აღნიშნა გვიდიანმა.

მონიკა დავლიანიძე