უკან

დღის კალენდარი

ანონსები

არქივი

რეგიონები

19 ივნისი, 2017 14:15
font-size

პრემიერმა და TUM International–ის მმართველმა დირექტორმა ქუთაისის საუნივერსიტეტო კომპლექსის განვითარების გეგმაზე იმსჯელეს

ქუთაისის საუნივერსიტეტო კომპლექსის აკადემიური განვითარების გეგმას, აკადემიურ და კვლევით პროგრამებს, მმართველობითი სტრუქტურებისა და განვითარების გეგმას მიუნხენის ტექნიკური უნივერსიტეტის (TUM) სპეციალისტები ქართულ მხარესთან ერთად შეიმუშავებენ, - თანამშრომლობის კონკრეტულ მიმართულებებზე საქართველოს პრემიერ-მინისტრმა გიორგი კვირიკაშვილმა და მიუნხენის ტექნიკური უნივერსიტეტის მიერ საერთაშორისო პროექტების განხორციელებისთვის დაფუძნებული ორგანიზაცია TUM International–ის მმართველმა დირექტორმა დანიელ გოტშალდმა დღევანდელ შეხვედრაზე ისაუბრეს.

სასწავლო და კვლევითი პროგრამების შემუშავებისას, ასევე უნივერსიტეტის მართვისა და სამეცნიერო თუ ადმინისტრაციული პერსონალის შერჩევის პროცესში, გამოყენებული იქნება მიუნხენის უნივერსიტეტის ხარისხის მართვის სტანდარტები.

მიუნხენის უნივერსიტეტის სპეციალისტები ქართველ არქიტექტორებს უნივერსიტეტის ინფრასტრუქტურის საპროექტო სამუშაოების პროცესშიც გაუწევენ კონსულტაციებს.

დეტალები გაწერილია თანამშრომლობის შეთანხმებაში, რომელიც დღეს მიუნხენის ტექნიკური უნივერსიტეტის მიერ საერთაშორისო პროექტების განხორციელებისთვის დაფუძნებულ ორგანიზაცია TUM International–სა და აიპ „ქუთაისის საუნივერსიტეტო კომპლექსს“ შორის გაფორმდა. პროექტის დაფინანსების შესახებ მემორანდუმს მოეწერა ხელი საქართველოს განათლებისა და მეცნიერების სამინისტროსა და ფონდ „ქართუს“ შორის.

TUM International–თან გაფორმებული ხელშეკრულებით ასევე გათვალისწინებულია ქუთაისის უნივერსიტეტის შემადგენლობაში ინოვაციების ცენტრის, კლასტერების ჰაბის და გამოყენებითი კვლევების ცენტრის ჩამოყალიბება და პოტენციური ბიზნესპარტნიორების მოძიება. ერთობლივად შემუშავდება კონცეფცია ცოდნის გადაცემისა და ინოვაციების ცენტრების განვითარების მიზნით, რაც ქუთაისის უნივერსიტეტს ხელს შეუწყობს, გახდეს ცოდნისა და ინოვაციების ცენტრი რეგიონში.

კავკასიის რეგიონში უდიდესი, თანამედროვე ინფრასტრუქტურითა და უახლესი ლაბორატორიებით აღჭურვილი საუნივერსიტეტო ქალაქი ქუთაისში 140 ჰექტარზე გაშენდება. პროექტის ბიუჯეტი, თბილისის ტექნოლოგიურ ცენტრთან ერთად, 1 მილიარდ ევროს შეადგენს და მას სრულად აფინანსებს ფონდი „ქართუ”.

პროექტზე მმართველი საბჭო იმუშავებს, რომლის შემადგენლობაში მიუნხენის უნივერსიტეტის, ასევე - საქართველოსა და ბავარიის მთავრობის წარმომადგენლები იქნებიან.

მიუნხენის ტექნიკურ უნივერსიტეტს (TUM), რომელიც მე-19 საუკუნეში დაფუძნდა, 12 ფაკულტეტი აქვს, მათ შორის - საინჟინრო, საბუნებისმეტყველო და სოციალური მეცნიერებების, სოფლის მეურნეობის, კვების ტექნოლოგიის და სამედიცინო.

უნივერსიტეტი განსაკუთრებულ ყურადღებას უთმობს ინოვაციებისა და ტექნოლოგიების სფეროს. ყოველწლიურად, 1000-ზე მეტი ხელშეკრულება ფორმდება წამყვან ტექნოლოგიურ კომპანიებთან. უნივერსიტეტის სტუდენტებმა 800–ზე მეტი „სტარტაპ კომპანია“ დააფუძნეს.

მიუნხენის ტექნიკურ უნივერსიტეტს 40 000 სტუდენტი და 10 000 თანამშრომელი ჰყავს. უნივერსიტეტის პროფესორ–მასწავლებლებს მიღებული აქვთ 13 ნობელის პრემია ფიზიკაში, ქიმიასა და მედიცინაში.

ხულოსა და ქედის მუნიციპალიტეტებში სოფლის განვითარების პრიორიტეტებზე იმსჯელეს

17 ივნისი, 2018 , 11:46

ევროკავშირი საქართველოში სოფლის განვითარების საკითხებზე საჯარო განხილვების მხარდაჭერას განაგრძობს. ხულოსა და ქედაში, სოფლის განვითარების პრიორიტეტებზე და სამომავლო გეგმებზე იმსჯელეს. შეხვედრაში გარემოს დაცვისა და სოფლის

ვაზიანი-გომბორი-თელავის მიმრთულებით საავტომობილო მოძრაობა აღდგა

17 ივნისი, 2018 , 11:25

საგზაო დეპარტამენტის ინფორმაციით, ვაზიანი-გომბორი-თელავის მიმრთულებით საავტომობილო მოძრაობა აღდგა, თუმცა გუშინდელი ღვარცოფის შემდეგ ადგილზე კვლავ მობილიზებულია სპეცტექნიკა, რომელიც გზის გაწმენდით სამუშაოებს ახორციელებს..

ფოთის საზღვაო ნავსადგურის ტერიტორიაზე ავტომტვირთველის მომსახურების გადასახადი დროებით უქმდება

16 ივნისი, 2018 , 16:35

ფოთის საზღვაო ნავსადგურის ტერიტორიაზე ავტომობილების გაყვანის პროცესის დაჩქარების მიზნით, ავტომტვირთველის მომსახურების გადასახადი დროებით უქმდება. ცვლილება 31 ივლისის ჩათვლით გასტანს. ამის შესახებ „აიპრესს“ ნა

საჯარო სამსახურებში დასაქმებული ,,ქართული ოცნების“ აქტივისტები თავს ესხმიან ოპოზიციას - ენმ

16 ივნისი, 2018 , 15:46

"ქართული ოცნების" აქტივისტები, რომლებიც საჯარო სამსახურებში არიან დასაქმებული ოპოზიციას თავს ესხმიან. შესაბამისი განცხადება აჭარის უმაღლესი საბჭოს "ერთიანი ნაციონალური მოძრაობის" წევრმა გია აბულაძემ პარტიის ოფისში გამართ

ჭიათურაში ახალგაზრდები პოლიციის მხრიდან შესაძლო ძალადობას აპროტესტებენ - ერთ-ერთი აქციის მონაწილე საავადმყოფოში გადაიყვანეს

16 ივნისი, 2018 , 13:15

ჭიათურაში უკვე მეორე კვირაა სამი ახალგაზრდა მამაკაცი პოლიციის ძალადობას აპროტესტებს. ისინი მოითხოვენ ჭიათურის პოლიციის უფროსის, ლაშა ჩხიტუნიძისა და მისი მოადგილის, მიხეილ გიგაურის გათავისუფლებას. 4 დღის წინ მოშიმშილეებმა

„ერთიანი აგროპროექტის“ ფარგლებში წინანდალში ფერმერმა სასოფლო- სამეურნეო ტექნიკა შეიძინა

16 ივნისი, 2018 , 11:55

2018 წლის თებერვალში, სახელმწიფოს მიერ „შეღავათიანი აგროკრედიტის“ პროექტში ახალი ქვეკომპონენტის დამატებით, მეწარმეებსა და ფერმერებს სასოფლო-სამეურნეო ტექნიკის შეძენის შესაძლებლობა გაუმარტივდათ. დღეისათვის უკვ

ვიდეო გალერეა

ინტერვიუ ვანიჩკასთან - ნატო ჩხეიძე