კომენტარი
პრემიერს საზოგადოების შეცდომაში შეყვანა არ გამოუვა - ლევან ხაბეიშვილი (ვიდეო)
პრემიერ-მინისტრმა იცრუა, როცა აღნიშნა, რომ მე მერიაში შეუძლოდ გახდომის გამო შემიყვანეს, რათა ჩემთვის დახმარება აღმოეჩინათ, - განაცხადა ნაციონალური მოძრაობის წევრმა, ლევან ხაბეიშვილმა დღეს გამართულ ბრიფინგზე.
„ჩვენ გვაქვს კადრები, სადაც ნათლად ჩანს თუ როგორ მომიპარეს აქციიდან. ეს მოპარვაა, რადგან არ შემდგარა სამართლებრივი დოკუმენტი, რის გამო დამაკავეს და შემიყვანეს მერიაში. კადრებში აღბეჭდილია, როგორ მივყავართ მასაში, სადაც მერიის უსაფრთხოების თანამშრომლები ფიზიკურად მისწორდებიან. ეს წინასწარ დაგეგმილი იყო. მას შემდეგ, რაც ამ ფიზიკური ანგარიშსწორების შედეგად ცუდად გავხდი, შეშინდნენ, შემიყვანეს შენობაში და მთხოვდნენ დავწოლილიყავი, მთავაზობდნენ სასწრაფოს გამოძახებას. პრემიერს საზოგადოების შეცდომაში შეყვანა არ გამოუვა. ვიდეოკადრები ადასტურებს, რომ ჩემზე ფიზიკური ძალადობა მოხდა“, - განაცხადა ლევან ხაბეიშვილმა და ის ვიდეომასალას გაასაჯაროვა, სადაც მისი თქმით, ჩანს მერიის დაცვის სამსახურის წარმომადგენლები როგორ აყენებენ მას ფიზიკურ შეურაცხყოფას.
გუშინ პრემიერ-მინისტრმა გიორგი კვირიკაშვილმა თბილისის მერიის წინ „ნაციონალური მოძრაობის“ მიერ 2 ოქტომბერს გამართულ აქციასთან დაკავშირებით განცხადება გააკეთა.
ნინო ექვთიმიშვილი