საზოგადოება

პრეზიდენტი ლევილის მამულის გადმოცემის საქმეში შეტანილი წვლილისთვის მინისტრს და ელჩს მადლობას უხდის

საქართველოს პრეზიდენტის პრესსპიკერი ეკა მიშველაძე დღეს გამართულ ბრიფინგზე გამოეხმაურა ლევილის მამულის საქართვლოსთვის გადმოცემის ფაქტს.

მისი თქმით, პრეზიდენტს სურს ამ საქმეში შეტანილი წვლილისთვის კიდევ ერთხელ გადაუხადოს მადლობა ყველა იმ ადამიანს და უწყებას, რომელიც ხანგრძლივი პერიოდის განმავლობაში იყო ჩართული ამ პროცესში.

მისი წარმატებით დასრულებისთვის კი, განსაკუთრებულად აღსანიშნავია, დიასპორის საკითხებში სახელმწიფო მინისტრის გელა დუმბაძის, საფრანგეთში საქართველოს საელჩოსა და ელჩის, ასევე, პირველი რესპუბლიკის მთავრობის წარმომადგენელთა შთამომავლების როლი.

`მინდა, აქვე, შეგახსენოთ, რომ საქართველოს პრეზიდენტის სარეზერვო ფონდის მხარდაჭერითა და დაფინანსებით, სარემონტო სამუშაოები ჩატარდა ლევილის ბიბლიოთეკაში და მოწესრიგდა წიგნების ფონდი. სამომავლოდ ასევე, რამდენიმე საინტერესო პროექტი იგეგმება~, _ განაცხადა ეკა მიშველაძემ.