პოლიტიკა

პრეზიდენტის სურვილი, ჩაერთოს კონსტიტუციის საყოველთაო-სახალხო განხილვაში, პოლიტიკური სვლა მგონია - ეკა ბესელია

პარლამენტის იურიდიულ საკითხთა კომიტეტის თავმჯდომარის, ეკა ბესელიას შეფასებით, პრეზიდენტის შემოთავაზება, ჩაერთოს კონსტიტუციის პროექტის საყოველთაო-სახალხო განხილვაში, შეიძლება იყოს პოლიტიკური სვლა.

როგორც უმრავლესობის წევრმა ჟურნალისტებთან აღნიშნა, დღეს ის ამ თემაზე პარლამენტის თავმჯდომარესთან, ირაკლი კობახიძესთან ერთად იმსჯელებს.

შეგახსენებთ, რომ სავარაუდოდ, დღეს გახდება ცნობილი მმართველი გუნდის პოზიცია, რა ფორმით ჩაირთვება პრეზიდენტი კონსტიტუციის საყოველთაო-სახალხო განხილვაში.

ანა მებურიშვილი