უკან

უახლესი ამბები

დღის კალენდარი

ანონსები

არქივი

სამართალი

9 თებერვალი, 2017 12:25
font-size

პრეზიდენტის ვეტოს არ გაზიარება არც ერთი გრამით არ შეამცირებს სასამართლოს დამოუკიდებლობის ხარისხს-ირაკლი კობახძე

პარლამენტის თავმჯდომარის, ირაკლი კობახიძის განცხადებით, კანონპროექტის პაკეტი, რომელიც პარლამენტმა მიიღო, იყო ხანგრძლივი მსჯელობის საფუძველზე ჩამოყალიბებული პაკეტი.

როგორც კობახიძემ, პარლამენტის მიერ პრეზიდენტის ვეტოს დაძლევის შემდეგ მედიას განუცხადა, სწორედ ასეთი მსჯელობის საფუძველზე მიიღო საპარლამენტო უმრავლესობამ მართლმსაჯულების ე.წ მესამე ტალღასთან დაკავშირებით გადაწყვეტილება.

„ეს არის უპრეცედენტო შემთხვევა, რომელიც გატარდა საქართველოში გასული ოთხი წლის განმავლობაში. მართლმსაჯულების სფეროში ჩვენ გვაქვს რადიკალური პოზიტიური ცვლილებები და ეს მესამე ტალღა უზრუნველყოფს სასამართლოს დამოუკიდებლობის კიდევ უფრო განმტკიცებას. ეს არის ზოგადი პოზიცია. რაც შეეხება პრეზიდენტის ვეტოს არ გაზიარებას, ეს არ გაზიარება არც ერთი გრამით არ შეამცირებს სასამართლოს დამოუკიდებლობის ხარისხს. ეს შემიძლია თამამად გითხრათ. ეს არის პოზიცია, რის საფუძველზეც ჩვენ მივიღეთ გადაწყვეტილება კანონპროექტის პირვანდელი რედაქციის მიღებასთან დაკავშირებით“, - განაცხადა ირაკლი კობახიძემ.

მისი თქმით, სასამართლოს რეფორმასთან დაკავშირებით მსჯელობები მომავალშიც გაგრძელდება.
რაც შეეხება პრეზიდენტის შენიშვნებს კობახიძის განმარტებით, კანონის შესაბამისად შენიშვნები ან სრულად უნდა გაიზიარო ან საერთოდ არა.

„იყო რამდენიმე საკითხი, რომელთან დაკავშირებითაც შეიძლება მსჯელობა. თუმცა მოქმედი კონსტიტუციისა და კანონის თანახმად, პრეზიდენტის შენიშვნებს ან სრულად იზიარებ ან არ იზიარებ. ეს არის მოქმედი კანონმდებლობა. გამომდინარე აქედან პრინციპულ საკითხებთან დაკავშირებით ჩვენ გვქონდა ჩვენი პოზიცია. ამიტომ კენჭი ვუყარეთ პირვანდელ რედაქციას და მივიღეთ პირვანდელი სახით კანონპრიექტების პაკეტი. რაც შეეხება რეფორმის გაგრძელებას, უნდა დავაკვირდეთ იმ პროცესებს, რომელიც წარიმართება სასამართლო სისტემაში. ამის საფუძველზე უნდა გაგრძელდეს რეფორმები“,-აღნიშნა პარლამენტის თავმჯდომარემ.

მისი თქმით, რეფორმის საბოლოო მიზანია ევროპული სტანდარტების სასამართლო სისტემის ჩამოყალიბება.

„გახსოვთ რამდენად მძიმე იყო ჩვენი სასტარტო პოზიცია 2012 წელს. პრაქტიკულად მთლიანად იყო დაქვემდებარებული სასამართლო სისტემა იუსტიციის სამინისტროს. საქართველოში სასამართლო პრაქტიკულად არ არსებობდა. მინუსის ნიშნულიდან ავიღეთ ჩვენ სასტარტო პოზიცია. როდესაც საუბარია მართლმსაჯულების სისტემაში პრობლემებზე, ოპონენტები მხოლოდ და მხოლოდ მიუთითებენ ისეთ საკითხებზე, რომელთა დაკავშირებითაც მათ აქვთ სუბიექტური ინეტერსები. ეს არის ეგრედწოდებული პოლიტიკური პატიმრების საქმე. ჩვენ ვნახეთ უგულავას მაგალითზე, რომ მან თავად აღიარა თავისი დანაშაული და ის არ იყო პოლიტიკური პატიმარი. მეორე, ეს არის რუსთავი2-ის საქმე, რომელთა დაკავშირებითაც ნაციონალურ მოძრაობას აქვს თავისი ინტერესი გამომდინარე იქიდან, რომ ტელევიზიის დე ფაქტო მესაკუთრე არის ამ პოლიტიკური პარტიის ლიდერი. ეს არის მოცემულობა . არც ერთ სხვა საკითხთან დაკავშირებით რეალურად არ გამოითქმება არსებითი ხასიათის შენიშვნები. ეს არის ის ფუნდამენტური მიღწევა, რომელიც ჩვენ გვაქვს 2012 წლის მერე. გახსოვთ, რომ სასამართლო სისტემა იყო რეკეტის ინსტრუმენტი, ქონების წართმევის ინსტრუმენტი, ადამიანის დაშინების, დაშანტაჟების ინსტრუმენტი. ეს პრაქტიკა არის თავიდან ბოლომდე აღკვეთილი 2012 წლის შემდეგ. ეს არის „ქართული ოცნების“ ხელისუფლების დამსახურება. ამ მიმართლებით ჩვენ გავაგრძელებთ მსვლელობას“,-აღნიშნა ირაკლი კობახიძემ.

მონიკა დავლიანიძე

ოჯახში ძალადობისთვის და მუქარისთვის ბრალდებულს 4 წლით და 6 თვით თავისუფლების აღკვეთა მიესაჯა

19 ნოემბერი, 2018 , 17:15

თბილისის საქალაქო სასამართლომ გაიზიარა ბრალდების მხარის მიერ წარდგენილი მტკიცებულებები და არასრულწლოვნის თანდასწრებით სისტემატური ცემისა და სხვაგვარი ძალადობისთვის, ასევე სიცოცხლის მოსპობის მუქარისთვის ბრალდებული დ.ხ. და

,,ქართული ოცნების“ დეპუტატს 6-წლიანი პატიმრობა მიესაჯა

19 ნოემბერი, 2018 , 16:25

თბილისის საქალაქო სასამართლომ კრწანისის რაიონის მაჟორიტარი დეპუტატი, თბილისის მუნიციპალიტეტის საკრებულოს წევრი, თემურ გორგაძე ქრთამის აღების საქმეზე დამნაშავედ ცნო. საკრებულოს დეპუტატს ბრალად სამსახურებრივი მდგომარეობის

მარნეულის ყოფილი მერის, თემურ აბაზოვის ადვოკატი საქმეში მტკიცებულებების არარსებობაზე საუბრობს

19 ნოემბერი, 2018 , 16:25

არადამიანური და დამამცირებელი მოპყრობის ბრალდებით დაკავებული მარნეულის ყოფილი მერის ადვოკატის განცხადებით, საქმეში მტკიცებულებები არ არსებობს. უფლებადამცველმა გაგი მოსიაშვილმა მოსამართლეს თემურ აბაზოვის საქმის ობიექტური

ჯგუფურად ჩადენილი ყაჩაღობისთვის ბრალდებულებს 9 წლით და 6 წლით თავისუფლების აღკვეთა მიესაჯათ

19 ნოემბერი, 2018 , 12:50

თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და ჯგუფურად ყაჩაღობის ჩადენაში ბრალდებული მ.ჯ. და ი.ტ. დამნაშავედ ცნო. მთავარი პროკურატურის ინფორმაციით, სასამართლო პროცესზე გამოკვლეული

„ომეგა ჯგუფის“ საქმეზე მორიგ ვიდეოჩანაწერები ვრცელდება (ვიდეო)

19 ნოემბერი, 2018 , 11:20

ტელეკომპანია ,,რუსთავი 2“ ახალ ფარული ვიდეომასალას ავრცელებს, რომელშიც სპორტის ყოფილი მინისტრი და "ომეგა ჯგუფის" წარმომადგენლები მონაწილეობენ. ექვს ვიდეო ფაილში იმ საუბრის ცალკეული ეპიზოდებია აღბეჭდილი, რომელიც სპო

სასამართლომ ძალაში დატოვა ცესკოს გადაწყვეტილება საზღვარგარეთ კენჭისყრის პროცესის შესახებ

17 ნოემბერი, 2018 , 18:47

დღეს თბილისის საქალაქო სასამართლომ ძალაში დატოვა ცენტრალური საარჩევნო კომისიის (ცესკო) გადაწყვეტილება, საზღვარგარეთ არჩევნების დღეს ხმის მიცემის პროცედურების 24:00 საათამდე გაგრძელებასთან დაკავშირებით. შეგახსენებთ, რომ რ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`