უკან
უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
2 აგვისტო, 2018 12:40
პრეზიდენტმა 83 პატიმარი შეიწყალა
საქართველოს პრეზიდენტმა, გიორგი მარგველაშვილმა შეწყალების კომისიის რეკომენდაციების საფუძველზე 83 პატიმრის შეწყალების გადაწყვეტილება მიიღო.
შესაბამისი განცხადება დღევანდელ ბრიფინგზე შეწყალების კომისიის თავმჯდომარემ, ზვიად ქორიძემ გააკეთა.
,,ამ 83 მსჯავრდებულიდან 40 მსჯავრდებული დღესვე დატოვებს საპატიმრო დაწესებულებას. რაც შეეხება 43 მსჯავრდებულს, მათ შეუმცირდათ თავისუფლების აღკვეთის სახით შეფარდებული სასჯელი.
ამ 43 მსჯავრდებულს შორის არის ერთი უვადოდ მსჯავრდებული, რომელსაც პრეზიდენტმა დაუდგინა გათავისუფლების კონკრეტული თარიღი.
სულ შეწყალებულთა შორის არის 3 ქალი - მსჯავრდებული. მათგან ერთი დღესვე გათავისუფლდება, ხოლო 2-ს შეუმცირდა სასჯელი. შეწყალებულთა შორის არის ერთი არასრულწლოვანი მსჯავრდებული“, - განაცხადა ზვიად ქორიძემ.
ნინო ექვთიმიშვილი