კომენტარი
პრეზიდენტმა თავისი სათქმელი ვერ გადმოსცა, რადგან საქართველოში არ არის გაზრდილი - სოფო კილაძე
პარლამენტის ადამიანის უფლებათა დაცვის კომიტეტის თავმჯდომარის, სოფო კილაძის თქმით, საქართველოს პრეზიდენტმა, სალომე ზურაბიშვილმა ქართულ ჯართან დაკავშირებით ვერ გამოხატა, რისი თქმაც სურდა.
"ჩვენ, რა თქმა უნდა, გვყავს ჯარი, ჩვენი შეიარაღებული ჯარები, რომლის იმედიც გვაქვს სამშობლოს დაცვის დროს. მე მგონია, რომ ქალბატონი სალომე სხვა რაღაცას გულისხმობდა. ალბათ იმის თქმა უნდოდა, რომ ჩვენი ხსნა, ჩვენი მიმართულება არის განათლება, მეცნიერება. ამას გულისხმობდა, ალბათ, და ვერ გამოხატა, ვერ გადმოსცა, რადგან არ არის საქართველოში გაზრდილი", — ამბობს დეპუტატი.
10 დეკემბერს, საქართველოს პრეზიდენტმა სალომე ზურაბიშვილმა ორბელიანების სასახლეში სამეცნიერო საზოგადოების წარმომადგენლებთნ შეხვედრის დროს განაცხადა:
"არც ჯარი გვაქვს, არც იარაღი და არც გვექნება, არც ის ეკონომიკური ძალიან დიდი პოტენციალი, რომ დავიპყროთ, თუნდაც, რეგიონი. მაგრამ ჩვენ გვაქვს ის უზარმაზარი, ძალიან მაგარი იარაღი, რასაც ჰქვია, ცოდნა, მეცნიერება, კულტურა და ძალიან მდიდარი რეგიონი ამ მხრივ", — აღნიშნა ზურაბიშვილმა.