კომენტარი

პრეზიდენტს არ ვეთანხმები, რომ საკონსტიტუციო უმრავლესობა საფრთხეა ნებისმიერ შემთხვევაში - დავით სერგეენკო

შრომის, ჯანდაცვისა და სოციალური დაცვის მინისტროს მოვალეობის შემსრულებელი დავით სერგეენკოს განცხადებით, „ქართულმა ოცნებამ“ გასული ოთხი წლის განმავლობვაში დაამტკიცა, რომ მისი ამოცანა კანონის თავზე მორგება არ არის.

ამის შესახებ სერგეენკომ პრეზიდენტის მიერ გუშინ პარლამენტის პირველ სესიაზე სიტყვით გამოსვლის დროს გაკეთებული განცხადების კომენტირებისას განაცხადა.

”პრეზიდენტმა ორ ნაწილად გაყო მიღწევები და გამოწვევები. მიღწევების ნაწილში რაც მან განაცხადა, უფრო თავისუფალი გარემო, სამართლიანობის აღდგენა, ბიზნესის წნეხისგან გათავისუფლება, ეს სწორედ ბოლო ოთხი წლის მიღწევებია. რაც შეეხება გამოწვევებს, მან აღნიშნა, რომ საკონსტიტუციო უმრავლესობა საფრთხე არის ნებისმიერ შემთხვევაში რა პოლიტიკურ ძალასაც არ უნდა ჰქონდეს ის. ამაში მე ვერ დავეთანხმები. საკონსტიტუციო უმრავლესობა აქვს „ქართულ ოცნებას”, რომელმაც ამ ოთხი წლის განმავლობაში დაამტკიცა, რომ მისი ამოცანა არ არის კანონის თავის თავზე მორგება”, - განაცხადა დავით სერგეენკომ.

მონიკა დავლიანიძე