პოლიტიკა
კანონპროექტის მიღება იქნება შეუსაბამო საქართველოს ევროკავშირისკენ მისწრაფებებისთვის, ამას გეუბნებით, როგორც მეგობარი - საქართველოში გერმანიის ელჩი
საქართველოში გერმანიის ელჩი, პეტერ ფიშერი „ტვიტერზე“ წერს:
"როგორც საქართველოს მეგობარების, ევროკავშირის პოზიცია "უცხოური გავლენების გამჭვირვალობის" კანონპროექტის შესახებ რჩება იგივე: "კანონპროექტის მიღება იქნება შეუსაბამო საქართველოს ევროკავშირისკენ მისწრაფებებისთვის, ევროკავშირის ნორმებთან და ღირებულებებთან." ამას გეუბნებით, როგორც მეგობარი", - წერს საქართველოში გერმანიის ელჩი, პეტერ ფიშერი "ქართული ოცნების" რუსულ კანონპროექტთან დაკავშირებით
შეგახსენებთ, რომ პარლამენტის იურიდიულ საკითხთა კომიტეტის სხდომაზე “უცხოური გავლენის გამჭვირვალობის შესახებ“ კანონის პროექტის და ასევე, “უცხოელი აგენტების რეგისტრაციის შესახებ“ კანონპროექტის პირველი მოსმენით განხილვა ხმაურის ფონზე მიმდინარეობს. კომიტეტის სხდომის პარალელურად აქცია იმართება საკანონმდებლო ორგანოსთან.