უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
პრეზიდენტთან შეხვედრა ზომიერად ოპტიმისტური განწყობით დავტოვე - დავით უსუფაშვილი
პრეზიდენტთან შევთანხმდით, რომ მომავალი კვირის განმავლობაში ყველაფერზე ჩამოვყალიბდებით, ამიტომ შეხვედრა ზომიერად ოპტიმისტური განწყობით დავტოვე, - განაცხადა „შენების მოძრაობის“ ლიდერმა დავით უსუფაშვილმა პრეზიდენტ გიორგი მარგველაშვილთან შეხვედრის შეფასებისას.
მისი თქმით, პოლიტიკური ველს სჭრიდება ახალი პოლიტიკური ძალა და გიორგი მარგველაშვილთან შეხვედრაზე სწორედ ამის შესახებ იყო საუბარი.
„ვთვლი, რომ საჯარო პოლიტიკურ ველს სჭრიდება ეროვნულ ფასულობებზე მყარად მდგომი და ევროპული არჩევანის მყარად გამტარებელი ახალი პოლიტიკური ძალა, რომელიც 2012 წლის ცვლილებების პრინციპებს ცხოვრებაში დანერგავს. ამ ამოცანის შესასრულებლად საჭიროა ბევრი ადამიანის ძალისხმევის გაერთიანება და მე ასე ვუყურებ მოახლოებულ საპრეზიდენტო არჩევნებს. სწორედ ამ თემებზე იყო ჩვენი საუბარი პრეზიდენტთან. ჯერჯერობით გადაწყვეტილება მიღებული არ არის. გიორგი მარგველაშვილი განსჯის და აწონ-დაწონის ეტაპზეა. მას საპრეზიდენტო ვადა უმთავრდება და ჩემი მიმართვის თუ საუბრის გარეშეც გადაწყვეტილებები აქვს მისაღები. ჩვენ შევთანხმდით, რომ მომავალი კვირის განმავლობაში ჩამოვყალიბდებით ყველაფერზე. ამიტომ შეხვედრა ზომიერად ოპტიმისტური განწყობით დავტოვე. არაფერი არ არის გადაწყვეტილი, მაგრამ გარკვეული პერსპექტივა არსებობს“, - განაცხადა უსუფაშვილმა.
მისივე თქმით, მზად არის, მხარი დაუჭიროს სხვა კანდიდატსაც - გიორგი მარგველაშვილი იქნება ეს თუ სხვა - ვინც პოლიტიკური გუნდის ფორმირების ინტერესებს მოემსახურება.