უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
პრინციპული მნიშვნელობა აქვს, რომ სასოფლო-სამეურნეო სავარგულები მიზნობრივად იყოს ათვისებული - ოთარ დანელია
საქართველოს პარლამენტის აგრარულ საკითხთა კომიტეტის თავმჯდომარის, ოთარ დანელიას განცხადებით, ოპონენტების აზრი, რომ სასოფლო-სამეურნეო დანიშნულების მიწების უცხოელ მოქალაქეებზე მისყიდვის აკრძალვა ინვესტიციებს შეამცირებს, დაუსაბუთებელია.
„მიუხედავად იმისა, რომ დღევანდელ დღემდე, მიწების თავისუფალი ყიდვა-გაყიდვა მოქმედებს, მნიშვნელოვანი ინიციატივები ინვესტიციების თვალსაზრისით, არც გაგვიგია. შესაბამისად, ინვესტიციები იმ ოდენობის არ ყოფილა, რომ ის ამ ეტაპზე ანგარიშგასაწევი იყოს. რაც შეეხება პირდაპირ უცხოურ ინვესტიციებს, ვფიქრობ, რომ ადგილობრივი ინვესტიციები გაცილებით უფრო დიდია. მნიშვნელოვანი ის პროექტებია, რაც სოფლის მეურნეობაში გაჩნდა და რამაც დამატებითი სტიმული გააჩინა. ბოლო წლებში, მიწაზე ფასის ზრდაც ამას უკავშირდება. არგუმენტები ჩვენს მხარესაა და ყველა ის თეორიული მითი, რაც ოპონენტების მხრიდან ისმის იმასთან დაკავშირებით, რომ ინვესტიციები შემცირდება, არაფერს არ ეფუძნება“, - განაცხადა დანელიამ.
დანელიას თქმით, მნიშვნელოვანია, სასოფლო-სამეურნეო სავარგულები მიზნობრივად იყოს ათვისებული, რაც გამოიწვევს პირობების შემოღებას საქართველოს მოქალაქეების მიმართაც.
„საკუთრების უფლება მაქსიმალურად დაცული იქნება, მაგრამ პრინციპული მნიშვნელობა აქვს, რომ სასოფლო-სამეურნეო სავარგულები მიზნობრივად იყოს ათვისებული. ეს ძალიან მნიშვნელოვანი და ბუნებრივია, ამ მიმართულებით გარკვეული მოცემულობები და პირობები გვექნება. მათ შორის, საქართველოს მოქალაქეების მიმართ, რაც ამავდროულად, ხელშეწყობის პროგრამითაც განხორციელდება“, - განუცხადა დანელიამ ჟურნალისტებს.
როგორც აგრარულ საკითხთა კომიტეტის თავმჯდომარემ განაცხადა, დღეისათვის, უცხო ქვეყნის მოქალაქეების სარგებლობაში მიწის დაახლოებით ხუთ პროცენტამდეა.
ანა მებურიშვილი