უკან

უახლესი ამბები

დღის კალენდარი

ანონსები

არქივი

საზოგადოება

17 ივლისი, 2017 17:20
font-size

პროექტი Chek In Georgia აქტიურ ფაზაში შედის

საქართველოში Check In Georgia-ს პროექტის მიმდინარეობაზე ისაუბრეს ერთობლივ პრესკონფერენციაზე, რომელიც დღეს, სასტუმრო იოტაში საქართველოს ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ, „ბლექ სი არენას“ დირექტორმა ანი კავლელიშვილმა, „ჯემ ფესტის“ დამფუძნებელმა გიორგი სიგუამ, „საბავშვო ევროვიზიის“ პროექტის ხელმძღვანელმა სერგი გვარჯალაძემ, „ბრავო რეკორდსის“ პრეზიდენტმა ზაზა შენგელიამ და „ჯეო ტურისტის“ წარმომადგენელმა ქრისტინა კობახიძემ.

როგორც პრესკონფერენციაზე ითქვა, ზაფხულის ტურისტული სეზონის გააქტიურებასთან ერთად განსაკურებით აქტიურ ფაზაში შედის Check in Georgia, რომლის ფარგლებშიც მიმდინარე და მომდევნო თვეებში არაერთი ღონისძებაა დაგეგმილი, მათ შორის „ბლექ სი არენაზეც“. აღსანიშნავია, რომ Check in Georgia-ს ფარგლებში უკვე მიმდინარეობს „ჯემ ფესტი,“ საქართველო პირველად უმასპინძლებს საბავშვო ევროვიზიას და გარდა ამისა, სახელმწიფოს მხარდაჭერით გაიმართება მნიშვნელოვანი მუსიკალური, სპორტული და სხვა ღონისძიებები, რომლებიც ერთი საერთო კონცეფციის - Check in Georgia-ს ქვეშ ერთიანდება.

როგორც ტურიზმის ადმინისტრაციის ხელმძღვანელმა გიორგი ჩოგოვაძემ განაცხადა, პროექტი ხელს უწყობს ტურისტული სექტორის განვითარებას და ქვეყანაში ახალი ინვესტიციების შემოდინებას.

,,საქართველოში ტურისტების რეკორდული რაოდენობა ფიქსირდება და სეზონი პიკს აღწევს. სწორედ ამ დროს გააქტიურდა პროექტი Chek in Georgia. ის, როგორც ადგილობრივ დამსვენებელს, ასევე უცხოელ ტურისტებს მრავალფეროვან საკონცერტო პროგრამებს და ღონისძიებებს სთავაზობს. ამ ყველაფრის შედეგი კი იქნება ის, რომ უკეთესი შთაბეჭდილებებით წავლენ საქართველოდან, რაც ხელს შეუწყობს ჩვენი ქვეყნის ცნობადობის და იმიჯის ამაღლებას, რომ არის უსაფრთხო და დინამიური ქვეყანა“ - აღნიშნა ჩოგოვაძემ.

„ბლექ სი არენას“ დირექტორის, ანი კავლელიშვილის ინფორმაციით, მაყურებელს „ბლექ სი არენას“ სცენაზე ძალიან ბევრი სიურპრიზი ელოდება, მათ შორის იქნება ქეთი მელუას, „ერისიონის,“ „ქართული ხმების“, ირმა ნიორაძის, ჯიპსი კინგის, ნინო ქათამაძისა და სხვა ცნობილი შემსრულებლებისა და ჯგუფების კონცერტები.

„ჩვენ გამოვჩნდით მსოფლიოს მასშტაბით იმ სიაში, სადაც ძალიან დიდი და პოპულარული საკონცერტო დარბაზებია წარმოდგენილი. უნდა აღინიშნოს, რომ წელს „ბლექ სი არენამ“ დიდი ინტერესი გამოიწვია პრომოუტერთა შორის და მე დარწმუნებული ვარ, ცოტა ხანში ცნობილი ვარსკვლავებისგან, მათი პრომოუტერებისგან და საპრომოუტერო ჯგუფებისგან მივიღებთ ბევრ საინტერესო შეთავაზებას“ - აღნიშნა ანი კავლელიშვილმა.

როგორც პრესკონფერენციაზე ითქვა, Check in Georgia-ს ფარგლებში უკვე დაიწყო მუსიკალური ფესტივალი „ჯემ ფესტი,“ რომელიც 33 დღის განმავლობაში 15 აგვისტომდე გაგრძელდება და 500-ზე მეტი არტისტი დაუკრავს, მათ შორის ელექტრონული მუსიკის საერთაშორისო დონის ვარსკვლავები. მნიშვნელოვანია, რომ „ჯემ ფესტის“ გახსნის პირველივე დღეებში ფესტივალმა 10 000-ზე მეტ ვიზიტორს უმასპინძლა.

ეკონომიკის სამინისტროს ინფორმაციით, საფესტივალო ტერიტორიაზე 8 სცენა 24/7-ზე იმუშავებს. ფესტივალის ფარგლებში გაიმართება 3000-ზე მეტი ღონისძიება და ტერიტორიაზე ყოველდღიურად მოეწყობა სხვადასხვა სპორტული აქტივობები.

განსაკუთრებით მნიშვნელოვანია, რომ Check in Georgia-ს ფარგლებში საქართველო წელს პირველად (ნოემბერში) მასპინძლობს საბავშვო ევროვიზიას, რაც მნიშვნელოვანი ნაბიჯი იქნება ქვეყნის ცნობადობის ასამაღლებლად, პოპულარიზაციისა და ტურისტული პოტენციალის გასაზრდელად.

საბავშვო ევროფესტივალის ტრანსლირება მსოფლიოს ოცამდე ქვეყანაში ხდება და მას თვალყურს დაახლოებით 20 მილიონი ტელემაყურებელი ადევნებს, ამასთან, კონკურსს გააშუქებენ ჟურნალისტები მსოფლიოს 20-მდე ქვეყნიდან. ეს კიდევ ერთი შესაძლებლობაა, რომ ჩვენი ქვეყანა, მისი კულტურა და ტურისტული პოტენციალი გავაცნოთ საერთაშორისო საზოგადოებას.

ჩამოთვლილი ღონისძიებების გარდა, სახელმწიფოს მხარდაჭერით 2017 წელს მიმდინარეობს და დაგეგმილია სხვა მნიშვნელოვანი მუსიკალური, სპორტული და სხვა ღონისძიებები, რომლებიც ერთი საერთო კონცეფციის - Check in Georgia-ს ქვეშ ერთიანდება. მათ შორის არის „არტ გენი“, ფოლკლორული ფესტივალი საქართველოს რვა რეგიონში, ბათუმის მუსიკალური ფესტივალი, თბილისის საერთაშორისო ფოტოფესტივალი, თეატრალური ფესტივალი, საერთაშორისო სარეკლამო ფესტივალი, თელავის მუსიკალური ფესტივალი, თბილისის ბაროკოს ფესტივალი, ჯანსუღ კახიძის სახელობის საერთაშორისო მუსიკალური ფესტივალი, ქართული ღვინის დღე და ა.შ.

პროექტის ფარგლებში უკვე ჩატარდა რამდენიმე მასშტაბური ღონისძიება, მათ შორის „აეროსმიტის“ კონცერტი „ბლექ სი არენაზე, სოუ ფესტივალი, ფესტივალი „სოფარი“, საბალეტო ფესტივალი და ა.შ

,,პროექტ Check in Georgia-ს კომპლექსური დატვირთვა აქვს ტურიზმის თვალსაზრისით. ის დამატებითი საშუალებაა ადგილზე ჩამოსული ტურისტებისთვის, რომ უკეთესი შთაბეჭდილებებით დატოვონ საქართველო. ამასთან, ის მნიშვნელოვან როლს ასრულებს კურორტებზე ტურისტული სეზონის გახანგრძლივების და ზოგადად, ჩვენი ქვეყნის ცნობადობის ზრდის მიმართულებით.

პროექტი მნიშვნელოვანია ქვეყნის იმიჯის თვალსაზრისითაც. უცხოელი ვარსკვლავების კონცერტები ხელს უწყობს საქართველოს, როგორც დინამიური და უსაფრთხო ქვეყნის იმიჯის დამკვიდრებას.

Check In Georgia მნიშვნელოვანი პროექტია ქვეყნის და ჩვენი შავი ზღვისპირა რეგიონების პოპულარიზაციისთვის და ადგილობრივი მოსახლეობის შემოსავლების ზრდისთვის. ასევე მნიშვნელოვანია მისი ეკონომიკური ეფექტი.

საქართველო მსოფლიო ტურისტულ რუკაზე კიდევ ერთხელ ფიქსირდება, როგორც საერთაშორისო სტანდარტის კულტურული ღონისძიებების ჩატარების სერიოზული ადგილი, რაც ხელს შეუწყობს ქვეყნის შემოსავლების ზრდასაც’’, - აცხადებენ ეკონომიკის სამინისტროში.

საკვანძო სიტყვები:

ერისთავის ქუჩაზე ხანძარი ლოკალიზებულია

21 თებერვალი, 2018 , 17:46

ერისთავის ქუჩაზე, კიროვის ყოფილი ქარხნის ტერიტორიაზე, ლამინატის ქარხანაში გაჩენილი ხანძარი უკვე ლოკალიზებულია. საგანგებო სიტუაციების მართვის სამსახურის ინფორმაციით, ხანძრის შედეგად არავინ დაშავებულა. ცეცხლმა, დაახლოებით,

მეტროსადგურ „დიდუბის“ მიმდებარე ტერიტორიაზე ხანძარია

21 თებერვალი, 2018 , 17:20

მეტროსადგურ „დიდუბის“ მიმდებარე ტერიტორიაზე, ერისთავის ქუჩაზე ხანძარია. ამ დროისთვის ადგილზე ძლიერი დაკვამლიანებაა. ჯერჯერობით უცნობია კონკრეტულად რომელ ობიექტზე გაჩნდა ცეცხლი.

თავდაცვის მინისტრმა პროექტის „ქალები მშვიდობა და უსაფრთხოება საქართველოს შეიარაღებულ ძალებში: ორგანიზაციული შეფასება“ ფარგლებში სამუშაო შეხვედრა გახსნა

21 თებერვალი, 2018 , 17:10

პროექტთან დაკავშირებით შეხვედრა თავდაცვის სამინისტროში გაიმართა, რომელსაც მოწვეული სტუმრის სტატუსით ნატოს გენერალური მდივნის თანაშემწის მოადგილე უსაფრთხოების ახალი გამოწვევების საკითხებში, დოქტორი ჯეიმი შეა დაესწრო. მინი

გიორგი აბაშიშვილი „ომეგა ჯგუფთან“ დაკავშირებულ საკითხებს გამოეხმაურა

21 თებერვალი, 2018 , 16:00

„ომეგა ჯგუფთან“ დაკავშირებულ პრობლემებს, პრეზიდენტის ადმინისტრაციის უფროსი გიორგი აბაშიშვილიც გამოეხმაურა. მისი თქმით, ისინი ყურადღებით აკვირდებიან მიმდინარე პროცესს. „საქართველოს პრეზიდენტისთვის მედიაგ

„ახალგაზრდა ადვოკატები“ – გზების დეპარტამენტის თავმჯდომარის მოადგილეების ტენდერებში გამარჯვებულ საწარმოებში დასაქმებით კორუფციის შესახებ კანონი დაირღვა

21 თებერვალი, 2018 , 15:00

ორგანიზაცია „ახალგაზრდა ადვოკატები“ საქართველოს მთავრობას მიმართავს და საქართველოს საავტომობილო გზების დეპარტამენტში განხორციელებულ საკადრო გადადგილებებსა და სახელმწიფო ტენდერებში შესაძლო კორუფციული გარიგებებ

წითელათი ინფიცირების ყველაზე მეტი შემთხვევა აჭარაში ფიქსირდება

21 თებერვალი, 2018 , 14:30

დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გამოქვეყნებული მონაცემების მიხედით, 2018 წლის 20 თებერვლის მდგომარეობით, წითელას შემთხვევების რაოდენობამ მთელი ქვეყნის მასშტაბით 300-ს გადააჭარბ

ვიდეო გალერეა

ინტერვიუ ვანიჩკასთან - ნატო ჩხეიძე