საზოგადოება

პროკურატურა ნიდერლანდებისთვის საზენიტო-სარაკეტო კომპლექს „ბუკის“ რაკეტის გადაცემასთან დაკავშირებით გავრცელებულ ინფორმაციას ადასტურებს

საქართველოს მთავარი პროკურატურა ნიდერლანდებისთვის საზენიტო-სარაკეტო კომპლექს „ბუკის“ რაკეტის გადაცემასთან დაკავშირებით გავრცელებულ ინფორმაციას ადასტურებს.

„მალაიზიის ავიახაზების კუთვნილი, ამსტერდამი-კუალა ლუმპურის სამგზავრო თვითმფრინავის 2014 წლის 17 ივლისს დონბასის რეგიონში მომხდარ ავიაკატასტროფასთან დაკავშირებით, გამოძიების ფარგლებში ნიდერლანდურმა მხარემ მათთვის „9M38M1“ ტიპის „BUK“ სისტემის რაკეტის ერთი ეგზემპლარის მიწოდება მოითხოვა, ხოლო ქართულმა მხარემ ეს მოთხოვნა დააკმაყოფილა“, - აცხადებენ მთავარ პროკურატურაში.

უწყებაში ამბობენ, რომ რაკეტის მიწოდების თაობაზე გადაწყვეტილება ქართულმა მხარემ „სისხლის სამართლის საქმეებზე სამართლებრივი ურთიერთდახმარების შესახებ“ 1959 წლის ევროპული კონვენციის და მისი დამატებითი ოქმების საფუძველზე მიიღო.