უკან

უახლესი ამბები

დღის კალენდარი

ანონსები

არქივი

სამართალი

2 დეკემბერი, 2019 14:25
font-size

პროკურატურა ზურაბ ადეიშვილის და ნიკა მელიას საქმესთან დაკავშირებით განცხადებას ავრცელებს

გენერალური პროკურატურა იუსტიციის ყოფილი მინისტრის, ზურაბ ადეიშვილის და პარლამენტის წევრის ნიკა მელიას საქმესთან დაკავშირებით განცხადებას ავრცელებს.

როგორც „მედიანიუსს“ გენერალური პროკურატურიდან აცნობეს, თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და საქართველოს იუსტიციის ყოფილი მინისტრი ზურაბ ადეიშვილი დამნაშავედ ცნო, საქართველოს სსკ-ის 25, 2051 მუხლის მე-3 ნაწილის „ბ“ ქვეპუნქტით და ამავე მუხლის მე-4 ნაწილით, სსკ-ის 25,210-ე მუხლის მე-2 ნაწილის „ა“ ქვეპუნქტით, სსკ-ის 332-ე მუხლის მე-2 ნაწილით და სსკ-ის 333-ე მუხლის მე-2 ნაწილით და დანაშაულთა ერთობლიობით საბოლოო სასჯელის სახედ და ზომად 7 წლით თავისუფლების აღკვეთა განუსაზღვრა, ასევე დამატებით სასჯელად მას 3 წლით ჩამოერთვა თანამდებობის დაკავების და საქმიანობის უფლება. 2012 წლის 28 დეკემბრის ამნისტიის გამოყენებით, მას საბოლოოდ 5 წლითა და 3 თვით თავისუფლების აღკვეთა განესაზღვრა და 2 წლითა და 3 თვით თანამდებობის დაკავების და საქმიანობის უფლება ჩამოართვა.

„ამავე განაჩენით აღსრულების ეროვნული ბიუროს ყოფილი თავმჯდომარე ნიკანორ მელია დამნაშავედ იქნა ცნობილი, საქართველოს სსკ-ის 332-ე მუხლის პირველი ნაწილით და სასჯელის სახით შეეფარდა ჯარიმა 25 000 ლარის ოდენობით, ასევე ამნისტიის გამოყენებით 2 წლითა და 3 თვით ჩამოერთვა თანამდებობის დაკავების და საქმიანობის უფლება, ხოლო საქართველოს სსკ-ის 25,2051 მუხლის მე-3 ნაწილის „ბ“ ქვეპუნქტითა და ამავე მუხლის მე-4 ნაწილით წარდგენილ ბრალდებაში გამართლდა.

სასამართლოში გამოკვლეული მტკიცებულებებით დადასტურდა, რომ ზურაბ ადეიშვილმა შემოსავლების სამსახურის თანამშრომლების დახმარებით მოახდინა „ბანკი ქართუს“ მოვალე კომპანიების მიერ "ქართუ ბანკიდან" სესხის აღებამდე თარიღით, სახელმწიფოს წინაშე არარსებული ვალის აღიარება, რითაც კანონმდებლობაში შეტანილი ცვლილებების საფუძველზე, სახელმწიფომ კომპანიის ქონებები გაიტანა აუქციონზე და მოითხოვა პირველ რიგში მის წინაშე არსებული დავალიანებების ანაზღაურება. ამის შემდეგ, აღსრულების ეროვნული ბიუროს უფროსის ნიკანორ მელიას მითითებით, აუქციონში მონაწილეობის სავალდებულო საგარანტიო თანხის შეტანის გარეშე დაშვებული იქნა ოფშორული კომპანიები, რომლებმაც მაღალი ფასის შეთავაზების გზით გაიმარჯვეს გამართულ აუქციონებში, შემდგომ კი შეგნებულად არ გადაიხადეს ქონებების საფასური. შედეგად ქონებები გადაეცა საქართველოს ეკონომიკის სამინისტროს, ხოლო ბანკის იპოთეკა გაუქმდა. ამის შემდეგ, ზურაბ ადეიშვილის დავალებით ეკონომიკისა და მდგრადი განვითარების სამინისტროს თანამშრომლებმა უზრუნველყვეს პრეზიდენტის განკარგულების პროექტების მომზადება ქონებების წინასწარ შეთანხმებული არარეალურად დაბალი ფასით „ბანკი ქართუს“ მოვალე კომპანიების მიერ ნდობით აღჭურვილ და შერჩეულ პირებზე მიყიდვის შესახებ, რითიც ფაქტიურად ხსენებულ პირებს უკან დაუბრუნდათ ქონებები, ხოლო ს.ს. ,,ბანკ ქართუს“ მოესპო სესხის სახით გაცემული140 მილიონი ლარის დაბრუნების საშუალება.

სასამართლოს განაჩენის დასაბუთებული ნაწილის შესწავლის შემდეგ მიღებული იქნება გადაწყვეტილება განაჩენის სააპელაციო წესით გასაჩივრების თაობაზე“, - ნათქვამია პროკურატურის განცხადებაში.

ჯანდაცვის სამინისტრომ რეკომენდაციების დარღვევის გამო, 31 კვების ობიექტი და 3 სასტუმრო დაჯარიმდა

13 ივლისი, 2020 , 12:44

ჯანდაცვის სამინისტრომ ჩOVID 19-თან დაკავშირებული რეკომენდაციების დარღვევის გამო, 31 კვების ობიექტი და 3 სასტუმრო დააჯარიმა. ჯარიმის ოდენობა თითოეული ობიექტისთვის 10 000 ლარია. ამის შესახებ ჯანდაცვის სამინისტროში აცხადებე

პოლიციამ ხაშურში ჯგუფურად ჩადენილი ძალადობის ბრალდებით სამი პირი დააკავა

13 ივლისი, 2020 , 11:11

შინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ჯგუფურად ჩადენილი ძალადობის ბრალდებით, 1993 წელს დაბადე

“მე პოლიტიკური პატიმარი ვარ“ - თელავის საკრებულოს წევრს აღკვეთის ღონისძიებად პატიმრობა შეეფარდა

11 ივლისი, 2020 , 15:38

თელავის რაიონულმა სასამართლომ ოჯახში ძალადობის ბრალდებით დაკავებულ თელავის მუნიციპალიტეტის საკრებულოს დეპუტატს, მიხეილ გრემელაშვილს აღკვეთის ღონისძიებად პატიმრობა შეუფარდა. დღევანდელ სხდომაზე მოსამართლე თამარ კაპანაძემ ა

ნიკა გვარამია დღეს მაგისტრი მოსამართლის თანდასწრებით გამოიკითხება

11 ივლისი, 2020 , 15:10

მთავარი არხის" გენერალური დირექტორი ნიკა გვარამია სასამართლოში დაიბარეს, სადაც მაგისტრი მოსამართლის თანდასწრებით გამოიკითხება. მიზეზი გიორგი შაქარაშვილის საქმეზე "მთავარის" მიერ მომზადებული ჟურნალისტური გამოძიების სერიაა

გიორგი შაქარაშვილის ბიძის განცხადებით, ოჯახის პოზიციაა, „ტოიოტა ქამრის“ მგზავრები, 6-ვე მათგანი ბრალდებული იყოს 109-ე მუხლით

10 ივლისი, 2020 , 17:40

ფეხბურთელ გიორგი შაქარაშვილის ბიძის მირიან ნიკოლაძის განცხადებით, ოჯახის პოზიციაა, „ტოიოტა ქამრის“ მგზავრები, რომლებიც გიორგი შაქარაშვილს გამოედევნენ და დადგა ეს შედეგი, ბრალდებულები იყვნენ სისხლის სამართლის

მირიან ნიკოლაძე - გიორგი შაქარაშვილს მიაყენეს ფიზიკური დაზიანებები და შემდგომ გადააგდეს წყალში

10 ივლისი, 2020 , 17:36

გიორგი შაქარაშვილის ბიძის, მირიან ნიკოლაძის განცხადებით, გიორგი შაქარაშვილის მიმართ ადგილი ჰქონდა ძალადობას, რის შემდეგაც იგი გადააგდეს მდინარეში. როგორც მირიან ნიკოლაძემ პრესკონფერენციაზე განაცხადა, ამ ეტაპზე თავს იკავე

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე