უკან

უახლესი ამბები

დღის კალენდარი

ანონსები

არქივი

სამართალი

16 თებერვალი, 2018 16:15
font-size

პროკურატურამ სამსახურებრივი უფლებამოსილების ძალადობით გადამეტების შესაძლო ფაქტზე გამოძიება სახალხო დამცველის რეკომენდაციის საფუძველზე განაახლა

საქართველოს პროკურატურამ დ.ფ.-ს დაკავებისას პოლიციის თანამშრომლების მიერ სამსახურებრივი უფლებამოსილების ძალადობით გადამეტების შესაძლო ფაქტზე გამოძიება სახალხო დამცველის რეკომენდაციის საფუძველზე განაახლა.

აღნიშნულ ფაქტზე გამოძიება პროკურატურამ 2017 წლის 19 სექტემბერს, სისხლის სამართლის კანონით გათვალისწინებული ქმედების არარსებობის გამო შეწყვიტა.

გამოძიებით დადგინდა, რომ 2016 წლის 2 დეკემბერს, პოლიციელზე თავდასხმისთვის მის სამსახურებრივ საქმიანობასთან დაკავშირებით და ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა, ტარებისთვის დაკავებულმა, წარსულში განზრახი დანაშაულისთვის რამდენჯერმე ნასამართლევმა დ.ფ.-მ გამოძიების ეტაპზე განმარტა, რომ მისი დაკავებისას პოლიციის თანამშრომელთა მხრიდან ადგილი ჰქონდა ძალადობის გამოყენების ფაქტებს. აღნიშნულის საფუძველზე ქ.თბილისის პროკურატურაში დაიწყო გამოძიება დ.ფ. - ს დაკავებისას პოლიციის თანამშრომლების მიერ სამსახურებრივი უფლებამოსილების ძალადობით გადამეტების შესაძლო ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით. საქმეზე სრულყოფილი გამოძიების ჩატარების მიზნით მიმდინარე გამოძიების ფარგლებში განხორციელდა მთელი რიგი საგამოძიებო და საპროცესო მოქმედებები, ჩატარდა სხვადასხვა სახის ექსპერტიზები, დაიკითხნენ მოწმეები. საქმეზე გამოკითხულმა პოლიციელებმა და დ.ფ.-ს თანმხლებმა პირებმა გამოკითხვისას განაცხადეს, რომ ქ. თბილისში, ნუცუბიძის პლატოზე, დ.ფ. თანმხლებ პირებთან ერთად იმყოფებოდა ავტომანქანაში. პოლიციელთა გამოჩენის შემდეგ მან ავტომანქანა დატოვა და გაქცევის მიზნით ახლომდებარე ხევში გადახტა, რის შედეგადაც მიიღო სხეულის დაზიანებები. პოლიციელებმა მისი დაკავების მიზნით დევნა ვეღარ გააგრძელეს, რადგან ხევში გადახტომას შესაძლოა მოჰყოლოდა პოლიციელთა სიცოცხლის ან ჯანმრთელობის დაზიანება. იმავე დღეს, დაახლოებით 21:30 საათზე, დ.ფ. ნანახი და დაკავებული იქნა ქ. თბილისში, ბერი გაბრიელ სალოსის ქუჩაზე. დაკავებისას მას აღენიშნებოდა სხეულის დაზიანებები, რომლებიც მისივე განმარტებით მიღებული ჰქონდა 2016 წლის 2 დეკემბერს დაცემის შედეგად. აღნიშნულ ოქმს ხელმოწერით ადასტურებდა თავად დ.ფ.

ყოველივე ზემოაღნიშნულიდან გამომდინარე, დადგენილად იქნა მიჩნეული, რომ პოლიციის თანამშრომლების მხრიდან სისხლის სამართლის კოდექსით გათვალისწინებული დანაშაულის ჩადენის ფაქტს ადგილი არ ჰქონია, რის გამოც საქმეზე გამოძიება შეწყდა.

გამოძიების შეწყვეტის შემდგომ, სახალხო დამცველის წარმომადგენელი გაეცნო შეწყვეტილი საქმის მასალებს და 2018 წლის 9 თებერვალს, საქმეზე გამოძიების განახლებისა და გარკვეული საგამოძიებო მოქმედებების ჩატარების რეკომენდაციით მიმართა პროკურატურას. რეკომენდაციის მიხედვით საჭიროა დამატებითი საგამოძიებო მოქმედება დ.ფ.-ს სხეულზე არსებული დაზიანებების წარმოშობის და მისი დაკავების პროცესში ცალკეულ პოლიციელთა ადგილსამყოფელის დადგენის მიზნით.

მიუხედავად იმისა, რომ რეკომენდაციაში მითითებული ფაქტები დადგენილია გამოძიების შედეგად, მაგრამ არ არის ჩატარებული ის საგამოძიებო მოქმედებები, რომელიც მითითებულია სახალხო დამცველის რეკომენდაციაში. აღნიშნულის გამო, 2018 წლის 15 თებერვალს გაუქმდა დადგენილება დ.ფ.-ის დაკავებისას პოლიციის თანამშრომლების მიერ სამსახურებრივი უფლებამოსილების ფაქტზე წარმოებულ საქმეზე გამოძიების შეწყვეტის შესახებ და გამოძიება განახლდა.

განახლებული გამოძიების ფარგლებში ჩატარდება სახალხო დამცველის რეკომენდაციით გათვალისწინებული საგამოძიებო და საპროცესო მოქმედებები, რომელთა ამოწურვის შემდეგ შესაბამისი გადაწყვეტილება მიიღება.

ცირა გურგენიძე

ვერაზე სროლის საქმეზე დაკავებულ ორივე ბრალდებულს აღკვეთის ღონისძიებად პატიმრობა შეეფარდა

18 იანვარი, 2019 , 16:25

თბილისში, მელიქიშვილის გამზირზე სროლის საქმეზე დაკავებულ ორივე ბრალდებულს აღკვეთის ღონისძიებად პატიმრობა შეეფარდა. ამის შესახებ პირველი არხი წერს. მოსამართლე რომან ხორავამ ბრალდების მხარის პოზიცია გაითვალისწინა. ბრა

შსს-მ დიდ დიღომში აფეთქების ფაქტზე „ყაზტრანსგაზის“ ორი თანამშრომელი დააკავა

18 იანვარი, 2019 , 15:27

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, პროკურატურასთან ერთობლივად ჩატარებული საგამოძიებო ღონისძიებების შედეგად, დიდ დიღომში, ავთანდილის ქუჩა N8-ში, საცხოვრებელ კორპუსში ბუნებრივი აირი

პირები, რომლებმაც 2019 წლის 15 იანვრამდე ადმინისტრაციული სამართალდარღვევა ჩაიდინეს, სახდელისგან თავისუფლდებიან

18 იანვარი, 2019 , 14:51

ფულადი სახის ადმინისტრაციული სახდელისგან თავისუფლდებიან პირები, რომლებმაც ადმინისტრაციული სამართალდარღვევა 2019 წლის 15 იანვრამდე ჩაიდინეს. როგორც პრემიერ-მინისტრმა, მამუკა ბახტაძემ განაცხადა, შესაბამისი დადგენილება მთავ

დიდ დიღომში აფეთქებასთან დაკავშირებით დაკავებულია ორი პირი

18 იანვარი, 2019 , 14:22

საქართველოს პრემიერ-მინისტრის, მამუკა ბახტაძის ინფორმაციით, დიდ დიღომში მომხდარ აფეთქებასთან დაკავშირებით დაკავებულია ორი პირი. ამის შესახებ მამუკა ბახტაძემ ბრიფინგზე განაცხადა. „დიდი ტრაგედია დაგვატყდა თავს ორი დღ

დიდი ოდენობით ნარკოტიკული საშუალების გასაღებისთვის ბრალდებულებს 8 და 7 წლით თავისუფლების აღკვეთა მიესაჯათ

18 იანვარი, 2019 , 14:04

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და დიდი ოდენობით ნარკოტიკული საშუალებების გასაღებისთვის ბრალდებულები თ.ჩ.და გ.მ. დამნაშავედ ცნო. გენერალური პროკურატურის ინფორ

დაუყოვნებლივ მიეცეს პასუხისმგებლობაში ყაზტრანგაზი, როგორც ამ დანაშაულის ჩამდენი - ადვოკატი

18 იანვარი, 2019 , 11:38

აფეთქების შედეგად დაზარალებული კომპანიის ადვოკატი, ალექსანდრე კობაიძე აცხადებს, რომ ყაზტრანგაზ-თბილისმა პროფესიული გულგრილობა გამოიჩინა. მისი აზრით, კომპანიამ პასუხისმგებლობა უნდა აიღოს და ჯოხი კომპანიაზე არ უნდა გადატეხ