უახლესი ამბები
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
სამართალი
პროკურატურა ზურაბ ჯამალაშვილთან საპროცესო შეთანხმების მიღწევას ფსიქოლოგიური ზეწოლით ცდილობს - ადვოკატები
თბილისის საქალაქო სასამართლოში ფარული მიყურადების საქმეზე ბრალდებული, ზურაბ ჯამალაშვილის წინასასამართლო სხდომა მიმდინარეობს.
როგორც პროცესის დაწყებამდე ჟურნალისტებს ბრალდებულის ადვოკატმა, გიორგი ფოფხაძემ განუცხადა, პროკურატურის მხრიდან ჯამალაშვილსა და მის მეუღლეზე, თეა ჯამალაშვილზე ფსიქოლოგიური ზეწოლა ხორციელდება, რათა მისგან თანხმობა მიიღონ საპროცესო შეთანხმებაზე.
ადვოკატის თქმით, პროკურატურის წარმომადგენლებმა ჯამალაშვილს ხელი მოაწერინეს განცხადებაზე, რომელიც მის აცილებას შეეხებოდა.
,,შედიან პირდაპირ, ყოველგვარი ადვოკატის გარეშე. ისე, რომ არც მაფრთხილებენ. მოკიდეს ხელი და აცილება ათქმევინეს ჩემზე. ის მოატყუეს, უთხრეს, რომ ყველა აძლევს ჩვენებას. იყო ფსიქოლოგიური წნეხი, ზეწოლა.
მეუღლე ჰყავდათ დაბარებული თან, ორსული მეუღლე. ეუბნებოდნენ, რომ აუცილებლად უნდა გაფორმდეს საპროცესო შეთანხმება. დოკუმენტების გაცვლის დროს, აქ როგორც ჩემზე, ისე მეუღლესთან მიმართებაში იყო მუქარა. მუქარა იყო, რომ თქვენ რასაც მოიგებთ ამით, ვნახოთ. ეს იყო მთელი თბილისის პროკურატურა. აქედან გამომდინარე, ვფიქრობ, რომ ეს უკვე ზღვარსგადასულია მათი ქმედებები და არ ჯდება არანაირ სამართლებრივ ჩარჩოებში’’, - განაცხადა გიორგი ფოფხაძემ.
თავის მხრივ, როგორც კიდევ ერთმა ბრალდებულის ადვოკატმა გვანცა ცუტიძემ აღნიშნა, ზურაბ ჯამალაშვილმა მასთან კონსულტაციის შემდეგ კვლავ უარი თქვა სახაზინო ადვოკატზე.
,,შევხვდი ზურაბ ჯამალაშვილს და მან განმიცხადა, რომ მოაწერინეს ხელი განცხადებაზე ადვოკატის აცილების შესახებ, თუმცა მისი ნება ეს არ ყოფილა. ფსიქოლოგიურ ზეწოლას ჰქონდა ადგილი, იმაზე, რომ მაინც დადგება გამამტყუნებელი განაჩენი და მისთვის უკეთესი იქნებოდა, თუ მოაწერდა ხელს საპროცესი შეთანხმებას. ამით გადაიყვანდნენ ე.წ. ზონაზე - ღია ტიპის დაწესებულებაში. აგრეთვე, მას უთხრეს, რომ ყველა ბრალდებულმა მოაწერა ხელი საპროცესო შეთანხმებას და მხოლოდ ის იყო დარჩენილი. შედეგად, ზურამ მოაწერა ხელი ამ განცხადებებს, თუმცა სწორი ინფორმაციის მიწოდების შემდეგ მან უარი განაცხადა და აგრეთვე თქვა, რომ არ საჭიროებდა სახაზინო ადვოკატს’’, - აღნიშნა ადვოკატმა.
შეგახსენებთ, რომ ჯამალაშვილს ფარული მიყურადების საქმეზე აღკვეთის ღონისძიებად პატიმრობა აქვს შეფარდებული.
ნინო ექვთიმიშვილი