უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კომენტარი
პროკურატურის მიერ დაქირავებული უცხოელი თანამშრომლები ვერ შეცვლიან ფარცხალაძე-თორდიას საქმის გამოძიების სურათს - ოთარ კახიძე
„ევროპული საქართველოს“ წევრის, ოთარ კახიძის განცხადებით, საერთაშორისო ექსპერტების ჩართვა ვერ გაზრდის ნდობას აუდიტის სამსახურის დასკვნასთან დაკავშირებული საგამოძიებო პროცესის მიმართ;.
„ჩვენ ვნახეთ, რომ შინაგან საქმეთა სამინისტრომ ბრიფინგზე წარმოაჩინა სიტუაცია, რომლითაც ფარცხალაძე-თორდიას საქმეზე დამნაშავედ გამოიყვანეს თორდია. ამ ვერსიას გვთავაზობს პროკურატურა, რომ ჩაფარცხოს ეს საქმე. პროკურატურის მიერ დაქირავებული უცხოელი თანამშრომლების ჩართულობით, ვერანაირად ვერ შეცვლის იმ სურათს, რომელიც გვაქვს“, - განაცხადა კახიძემ.
შეგახსენებთ, რომ უცხოელ ექსპერტებს უნდობლობა გამოუცხადა სახელმწიფო აუდიტის სამსახურის ხელმძღვანელმა, ლაშა თორდიამაც. მან განმარტა, რომ წინა საქმეებიდან გამომდინარე ამ ექსპერტების მიმართ ბევრი კითხვა არსებობს, ხოლო ზოგიერთი ექსპერტი ხელფასს პროკურატურისგან იღებს.
აუდიტის სამსახურის 2016 წლის ფინანსური აუდიტის განმახორციელებელმა კომისიამ დასკვნა მოამზადა, რომელიც სავარაუდოდ, მომავალ კვირაში ბიუროს სხდომას წარედგინება. პროცესში ჩართული იყო საერთაშორისო აუდიტორული კომპანია.