უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
სამართალი
პროკურატურის მუშაობის ხარისხის ამაღლების თემაზე საერთაშორისო გამოცდილების გაზიარების მიზნით გაცნობითი შეხვედრები ჩატარდა
საქართველოს პროკურატურისა და ევროკავშირის ერთობლივი თანამშრომლობის ფარგლებში, პროკურატურის მუშაობის ხარისხის ამაღლების თემაზე პროკურორებისთვის და სისტემის გამომძიებლებისთვის გაცნობითი ხასიათის შეხვედრები ჩატარდა. შეხვედრებს ევროკავშირის სისხლის სამართლის მართლმსაჯულების მხარდაჭერის პროექტის ხელმძღვანელი პიმ ალბერსი უძღვებოდა. გამართული აქტივობები მიზნად ისახავდა სასამართლო პრაქტიკის საფუძველზე პროკურატურის მუშაობის ხარისხის მაჩვენებლის საერთაშორისო გამოცდილების გაზიარებას.
სასწავლო აქტივობები მოიცავდა ისეთ მნიშვნელოვან საკითხებს, როგორიცაა: ხარისხის უზრუნველყოფის მოდელები, სასამართლოების ხარისხის სისტემების განვითარების ისტორია, დაჩქარებული პროცედურები ჰოლანდიაში გავრცელებულ სისხლის სამართლის საქმეებზე და სხვა. ინტერაქტიული შეხვედრის მონაწილეებმა პასუხები მიიღეს ასევე მათთვის აქტუალურ საკითხებზე.
პროკურორებსა და გამომძიებლებს მსგავსი შეხვედრები საშუალებას აძლევს გაეცნონ წარმატებულ საერთაშორისო გამოცდილებას, რაც მნიშვნელოვნად შეუწყობს ხელს პროკურატურის სისტემის მუშაობის ხარისხის ამაღლებასა და საუკეთესო საერთაშორისო გამოცდილების პრაქტიკაში დანერგვას. - აცხადებენ მთავარ პროკურატურაში.