უკან

უახლესი ამბები

დღის კალენდარი

ანონსები

არქივი

საზოგადოება

24 მაისი, 2017 18:00
font-size

პროკურორებისთვის ქალთა უფლებების დაცვის თემაზე ტრენინგი ჩატარდა

მართლმსაჯულების სისტემისადმი ქალთა ხელმისაწვდომობის ზრდის, ქალთა მიმართ და ოჯახში ძალადობის წინააღმდეგ ბრძოლის საკითხებზე პროკურორებისთვის ტრენინგი ჩატარდა.

პროექტი ევროპის საბჭოსთან თანამშრომლობით განხორციელდა და მიზნად ისახავდა პროკურორებისთვის ქალთა უფლებების, ეროვნული და საერთაშორისო პრაქტიკისა და ადამიანის უფლებათა ევროპული სასამართლოს გადაწყვეტილებების გაცნობას.

საქართველოს მთავარი პროკურატურის ინფორმაციით, ორდღიანი ინტენსიური სწავლება მოიცავდა შემდეგ საკითხებს: ქალთა მიმართ დისკრიმინაციის აკრძალვა, პროკურორის როლი, გენდერული თანასწორობა, სტამბულის კონვენცია, საერთაშორისო და რეგიონალური სამართლებრივი ჩარჩო, ოჯახში ძალადობის დანაშაულის ტენდენციები, გენდერული ნიშნით დისკრიმინაცია და აღნიშნული მოტივის გამოკვეთა, სექსუალური ძალადობა, ადრეული და იძულებითი ქორწინება, დაკავებულ ქალთა უფლებები, ტრეფიკინგის მსხვერპლ ქალთა უფლებები და სხვა მნიშვნელოვანი საკითხები. ტრენინგი დატვირთული იყო პრაქტიკული სავარჯიშოებით და მას საერთაშორისო და ადგილობრივი ექსპერტები უძღვებოდნენ.

სასწავლო კურსის განხორციელებას წინ უძღვოდა ევროპის საბჭოს რეგიონალურ პროექტთან აქტიური თანამშრომლობა, რომლის ფარგლებშიც მომზადდა სასწავლო პროგრამა და მასალები. პროექტის მნიშვნელობას ზრდის ის ფაქტი, რომ მასში ჩართულნი იყვნენ 6 ქვეყნის: საქართველოს, სომხეთის, აზერბაიჯანის, მოლდოვის, ბელორუსიისა და უკრაინის წარმომადგენლები. ერთობლივ სამუშაო პროცესში მოხდა გამოცდილების გაცვლაც. პროგრამის საერთაშორისო სამართლებრივი ნაწილი მომზადდა საერთაშორისო ექსპერტების მიერ, ხოლო ეროვნული ნაწილი, რომელიც ადგილობრივ გამოწვევებსა და საჭიროებებზეა მორგებული, მომზადდა ყველა მონაწილე ქვეყნის ადგილობრივი ექსპერტების მიერ. საქართველოდან სამუშაო პროცესში ერთობლივად იყვნენ ჩართულნი საქართველოს პროკურატურისა და იუსტიციის უმაღლესი სკოლის წარმომადგენლები.

ქალთა უფლებების დაცვა, ქალთა, გოგონათა მიმართ და ოჯახში ძალადობის წინააღმდეგ ბრძოლა საქართველოს პროკურატურის ერთ-ერთ პრიორიტეტს წარმოადგენს. ამ მიმართულებით პროკურორები ეტაპობრივად გადიან როგორც გადამზადების, ასევე სპეციალიზაციის კურსებს. საქართველოს პროკურატურა პარტნიორ საერთაშორისო ორგანიზაციებთან თანამშრომლობით აღნიშნული მიმართულებით მუშაობას მომავალშიც აქტიურად გააგრძელებს.

დავით ზალკალიანმა ნორვეგიაში მცხოვრებ ქართველებს დიასპორასთან ურთიერთობის მიმართულებით დაგეგმილი სიახლეები გააცნო

13 ნოემბერი, 2018 , 11:20

საქართველოს საგარეო საქმეთა მინისტრმა დავით ზალკალიანმა ნორვეგიაში ვიზიტის ფარგლებში საქართველოს საელჩოში შეხვედრა გამართა ნორვეგიაში მცხოვრები ქართული დიაპორის წარმომადგენლებთან. შეხვედრაზე მინისტრმა ისაუბრა საქართველო

გოგონა იყო სულელურად მამაცი - მარი (ნანა) მახარაძე

12 ნოემბერი, 2018 , 19:17

იური მეჩითოვის სკანდალურ განცხადებას 9 აპრილთან დაკავშირებით, აპრილის მოვლენების დროს გადაღებული მისი ცნობილი ფოტოს გმირი, მარი (ნანა) მახარაძე ეხმაურება, რომელიც ქვეყანაში შექმნილი მძიმე სოციალური მდგომარეობის გამო, უკვ

მაქვს ინფორმაცია, რომ სუს-ი აპირებს კარვებში ჩადოს იარაღი და ნარკოტიკი - ელისო კილაძე

12 ნოემბერი, 2018 , 17:50

გაზეთ „ქრონიკა პლუსი“-ს მთავარი რედაქტორი ელისო კილაძე სოციალურ ქსელში სკანდალურ ინფორმაციას ავრცელებს: „მაქვს ინფორმაცია, რომ სუს-ი აპირებს კარვებში ჩადოს იარაღი და ნარკოტიკი. ამისთვის სპეციალურად შემო

ამერიკაში კი არა, ქვეყნის დასალიერშიც რომ ჩახვიდე, შენ ჩემი შვილის სული არ მოგასვენებს - თემირლან მაჩალიკაშვილის დედა სოსო გოგაშვილს

12 ნოემბერი, 2018 , 17:35

პანკისი ხეობაში ჩატარებული სპეცოპერაციის დროს მოკლული თემირლან მაჩალიკაშვილის დედამ, მედიკო მარგოშვილმა განაცხადა, რომ მას აქვს ინფორმაცია, რომ სუს-ის უფროსის ყოფილი მოადგილე სოსო გოგაშვილი ქვეყნიდან გაქცევას აპირებს. &b

ისნის რაიონში, ლეხ კაჩინსკის ქუჩის რეაბილიტაცია დასრულდა

12 ნოემბერი, 2018 , 17:05

დედაქალაქის მერი კახა კალაძე ისნის რაიონში, ლეხ კაჩინსკის ქუჩაზე იმყოფებოდა, რომლის სარეაბილიტაციო სამუშაოები უკვე დასრულდა. კაჩინსკის ქუჩის კაპიტალური შეკეთება თბილისის მერიის ინფრასტრუქტურის განვითარების საქალაქო სამსა

მნიშვნელოვნად გამოხატული შეზღუდული შესაძლებლობის მქონე 75 000-ზე მეტი პირი (II ჯგუფი) 2019 წლის პირველი იანვრიდან გაზრდილ სოციალურ პაკეტს მიიღებს

12 ნოემბერი, 2018 , 17:05

მნიშვნელოვნად გამოხატული შეზღუდული შესაძლებლობის მქონე 75 000-ზე მეტი პირი (II ჯგუფი) 2019 წლის პირველი იანვრიდან გაზრდილ სოციალურ პაკეტს მიიღებს, - ეს გადაწყვეტილება საქართველოს პრემიერ-მინისტრმა მამუკა ბახტაძემ აღნიშნუ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`