უკან

საზოგადოება

22 ივნისი, 2018 13:10
font-size

პროკურორი გუგუშვილის მომართვა იყო: - თქვენ თუ ბევრს ილაპარაკებთ, ამათაც გარეთ გამოვუშვებთ! - ზაზა სარალიძე

ხორავას ქუჩაზე მოკლული დავით სარალიძის მამის, ზაზა სარალიძის განცხადებით, პროკურორი იმედა [ინა] გუგუშვილი ემუქრებოდა, რომ თუ სარალიძე ბევრს ილაპარაკებდა, ის დავით სარალიძის მკვლელობაში ბრალდებულებს გარეთ გამოუშვებდა.

როგორც სარალიძემ ხორავას ქუჩის საქმის შემსწავლელი დროებითი საპარლამენტო საგამოძიებო კომისიის მესამე სხდომაზე აღნიშნა, გუგუშვილთან შეხვედრის შემდეგ ის მიხვდა, რომ პროკურატურა არ აპირებდა საქმის სრულფასოვან გამოძიებას.

როგორც სარალიძემ განმარტა, საქმის პროკურორები ამტკიცებდნენ, რომ მისი შვილი გ.ჯ-მ მოკლა, ხოლო პროკურორმა ზვიად ფხაკაძემ აღწერა კიდეც დაახლოებით როგორ შეეძლო დაერტყა მას დანა 12-ჯერ.

„თავიდან საქმის პროკურორებთან ჩვეულებრივი ურთიერთობა მქონდა. ერთ-ერთ პირველ შეხვედრაზე თან მახლდა მამაჩემი - ფრიდონ სარალიძე. ამტკიცებდნენ, რომ ჩემი შვილი მხოლოდ გ.ჯ-მ მოკლა. მე სიმართლე ვიცოდი და ვიფიქრე, რომ ალბათ, ბავშვებმა არ ითანამშრომლეს. საქმე გამოძიების ეტაპზე იყო და ვფიქრობდი, რომ სიმართლეს დაადგენდნენ. მამაჩემი მწყობრიდან გამოიყვანა სიტყვებმა, რომ ჩემი შვილის მკვლელი მხოლოდ გ.ჯ. იყო. ვსაუბრობდი, რომ მხოლოდ ერთი ადამიანი არ შეიძლება ყოფილიყო ჩემი შვილის მკვლელი. გუგუშვილის მომართვა იყო: - თქვენ თუ ბევრს ილაპარაკებთ, ამათაც გარეთ გამოვუშვებთ! ამაზე ჩემი პასუხი იყო: - გამოუშვით, პრობლემა არ არის. თუკი დანარჩენი მკვლელები გარეთ უნდა იყვნენ, ერთი ან ორი ადამიანის დაკავებას რა აზრი ჰქონდა?! ამ ინფორმაციას მამაჩემიც დაადასტურებს. ამ სიტყვების შემდეგ მივხვდი, რომ რთულად იყო საქმე, არ აპირებდნენ საქმის სრულფასოვნად გამოძიებას ან რაღაც ხდებოდა. ამის მიუხედავად, მაინც იმედი არ დამიკარგავს და მაინც ვენდობოდი პროკურატურას“, - განაცხადა ზაზა სარალიძემ.

სარალიძის ნაამბობიდან ირკვევა, რომ მაისში მასსა და საქმის პროკურორს შორის მორიგი შეხვედრა შედგა. მაშინ სარალიძემ გუგუშვილს განუცხადა, რომ თუ საქმეზე სიმართლე არ დადგინდებოდა, „მალალეტკების ომი დაიწყებოდა“, რაზეც პასუხად მიიღო, რომ „დაიწყოს, არაა პრობლემა“.

„მე ინა გუგუშვილს მივმართე – ფაქტობრივად, დამთავრებულია პროცესები, სიმართლე გარკვეულია და დამტკიცებულია, ჭეშმარიტება დამტკიცებულია, მაგრამ, რა თქმა უნდა, სასამართლოზე არ არის დამტკიცებული. იმედა გუგუშვილს, როცა ვუთხარი, რომ თუ სიმართლეს არ დავადგენთ, შესაძლებელია „მალალეტკების“ ომი დაიწყოს-მეთქი, ასეთი პასუხი გამცა – ეგ ჩემი პრობლემა არ არის, დაიწყოს, არ არის პრობლემაო“, – განაცხადა ზაზა სარალიძემ და აღნიშნა, რომ ამ პასუხმა ძალიან გააღიზიანა.

სარალიძის თქმით, არის ფაქტები, რომლებიც ადასტურებს, სასამართლო პროცესზე როგორ ახორციელებდა გუგუშვილი ზეწოლას ექსპერტ მაია ნიკოლეიშვილზე.

„არაერთი ფაქტი იყო გუგუშვილის მხრიდან, მაია ნიკოლეიშვილზე სასამართლო პროცესზე პირდაპირ ზეწოლა წავიდა. როგორ უხეშად იქცეოდა, იქიდან გამომდინარე, რომ ალბათ, ტაქტიკა აქვს ამ ადამიანს, ცოტა დამაშინებელი ჟესტიკულაციით ესაუბროს ხალხს, რადგან ან დააბნიოს მოწმე, ან შეაშინოს, ან რამე“, – განაცხადა ზაზა სარალიძემ.

მოკლული არასრულწლოვანის მამამ თბილისის პროკურორის მოადგილესთან შეხვედრაზეც ისაუბრა, რომელსაც მისივე თქმით, საქმის პროკურორი ზვიად ფხაკაძეც ესწრებოდა.

„ ვთქვი, რომ უკვე დადასტურებელი მაქვს, ვინ არიან ჩემი შვილის დანარჩენი მკვლელებითქო, მითხარიო და განვაცხადე, რომ ერთ-ერთი იყო მ.კ., მეორეო, მკითხა და მეორე თავად წამოიყვირა სახელი და გვარი. მეორე არის მღვდლის შვილზე მაქვს საუბარი – გ.მ. მე არც კი მაცალა ამ სახელი და გვარის დასახელება, თვითონვე წამოიყვირა – მეორე ალბათ ეს არისო, რა თქმა უნდა ეს არის, გცოდნიამეთქი“, – განაცხადა სარალიძემ.

პენიტენციური სამსახური ვანო მერაბიშვილის მოწამვლის შესახებ ინფორმაციას უარყოფს

24 სექტემბერი, 2018 , 11:05

სპეციალური პენიტენციური სამსახური შს ყოფილი მინისტრის, მსჯავრდებულ ვანო მერაბიშვილის მოწამვლის შესახებ ინფორმაციას უარყოფს და მისთვის დასმულ დიაგნოზს ასაჯაროვებს.  „სპეციალური პენიტენციური სამსახური კატეგორიულ

მთავრობის ადმინისტრაციასთან მოქალაქეები ხელისუფლებისგან ეკოლოგიურ საკითხებზე გამკაცრებულ რეგულაციებს ითხოვენ

22 სექტემბერი, 2018 , 17:40

საქართველოს მთავრობის ადმინისტრაციასთან აქცია „SoS მოწამლული ჰაერი“ იმართება. აქციის მონაწილეები მთავრობისგან ითხოვენ გამკაცრებული ტექდათვალიერების აღსრულებას, საზოგადოებრივი ტრანსპორტის მოწესრიგებას, საწვავშ

ლაშა ტალახაძემ მსოფლიო რეკორდი გააუმჯობესა

22 სექტემბერი, 2018 , 17:40

საქართველოს ჩემპიონატი ძალოსნობაში ოლიმპიური ჩემპიონის ლაშა ტალახაძის ტრიუმფით დასრულდა. სპორტულ კომპლექს „ახალ თბილისში“ მდებარე ფრენბურთის არენაში გამართულ შეჯიბრებას განათლების, მეცნიერების, კულტურისა და ს

მეცნიერებისა და ინოვაციების ფესტივალი საზეიმოდ გაიხსნა

22 სექტემბერი, 2018 , 17:40

ივანე ჯავახიშვილის სახელობის თბილისის სახელმწიფო უნივერსიტეტში მეცნიერებისა და ინოვაციების ფესტივალი საზეიმოდ გაიხსნა. უნივერსიტეტის პირველი კორპუსის ეზოში უმაღლესი სასწავლებლები და სამეცნიერო კვლევითი დაწესებულებები სხვ

ინფორმაცია საზღვარგარეთ მყოფი საქართველოს მოქალაქეებისთვის 2018 წლის 28 ოქტომბრის საქართველოს პრეზიდენტის არჩევნებში მონაწილეობასთან დაკავშირებით

22 სექტემბერი, 2018 , 17:15

საზღვარგარეთ მყოფი საქართველოს მოქალაქეების არჩევნებში მონაწილეობის წესი გააცნო დღეს მედიას საარჩევნო ადმინისტრაციამ. როგორც ცენტრალურ საარჩევნო კომისიაში გამართულ საინფორმაციო ბრიფინგზე ცესკოს პრეს-სპიკერმა, ანა მიქელაძ

მოსამართლეთა სამუშაო შეხვედრა საარჩევნო საკითხებზე

22 სექტემბერი, 2018 , 16:35

საერთო სასამართლოების ადმინისტრაციული საქმეების განმხილველი მოსამართლეებისთვის საარჩევნო საკითხებზე სამუშაო შეხვედრა მიმდინარეობს ბორჯომში. ღონისძიება დღეს ცენტრალური საარჩევნო კომისიის (ცესკო) თავმჯდომარე თამარ ჟვანიამ,

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`