საზოგადოება

პროცესი შეჩერდა და არ ვაპირებთ ამ პროცესის თავიდან დაწყებას ან გაგრძელებას - ეკა ბესელია კანაფის კულტივაციაზე

პროცესი შეჩერდა, ჩვენ არ ვაპირებთ ამ პროცესის თავიდან დაწყებას ან გაგრძელებას, - განაცხადა პარლამენტის იურიდიულ საკითხთა კომიტეტის თავმჯდომარემ ეკა ბესელიამ მარიხუანას კულტივაციასთან დაკავშირებულ კანონპროექტზე საუბრისას.

"გაჩერებულია ეს პროცესი. მე მგონია, რომ ამ თემის გააქტიურების ხელახალი მცდელობა მედიასაშუალებების მხრიდან არ იქნება რელევანტური და სწორი. ეს პროცესი შეჩერდა. ჩვენ არ ვაპირებთ ამ პროცესის დაწყებას ან გაგრძელებას. არ ვაპირებთ ამ პროცესის გააქტიურებას და განხილვები არ არის დაგეგმილი ამ პროექტთან დაკავშირებით", - განაცხადა ბესელიამ.

კითხვაზე, გაწვეული იქნება თუ არა კანონპროექტი, ბესელიამ განაცხადა, რომ ეს საკითხი საბოლოოდ შეჯერდება იმ ავტორებთან და ინიციატორებთან ერთად, ვინც დოკუმენტი მოამზადა.