მსოფლიო

ქაბულში მომხდარი აფეთქების შედეგად სულ მცირე 80 ადამიანი დაიღუპა

ავღანეთის დედაქალაქ ქაბულში ძლიერი აფეთქება მოხდა. პოლიციის ინფორმაციით, აფეთქება ქალაქის ცენტრალურ ნაწილში მოხდა, საელჩოებთან და საპრეზიდენტო სასახლესთან ახლოს.

„დანაღმული ავტომობილი იყო, რომელიც გერმანიის საელჩოსთან აფეთქდა. თუმცა იქვე სხვა მნიშვნელოვანი დაწესებულებებიც მდებარეობს. რთულია თქმა, თუ რა იყო თავდასხმის სამიზნე“,-განუცხადა Reuters ქაბულის პოლიციის წამრომადგენელმა.

ბოლო ინფორმაციით, დაღუპულია, სულ მცირე, 80 ადამიანი. დაშავებულთა რიცხვი 300-ს გადააჭარბა.

მედიის ინფორმაციით, აფეთქება ისეთი სიძლიერის იყო, რომ რამდენიმე მეტრის რადიუსში მდებარე სახლებიც კი დააზიანა.

ამჟამად ქალაქის ცენტრალური მოედანი, პოლიციის მიერ არის შემოსაზღვრული.

მონიკა დავლიანიძე