უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
ქალაქი სატრანსპორტო პრობლემის წინაშე არ დადგება - კახა კალაძე
თბილისის მერი კახა კალაძე ამბობს, რომ მეტროს მემანქანეების გაფიცვის შემთხვევაში, ქალაქი პრობლემის წინაშე არ დადგება.
„ქალაქი სატრანსპორტო პრობლემის წინაშე არ დადგება – რა კონკრეტული გეგმა გვაქვს, ამას ხვალ მთავრობის სხდომაზე გაიგებთ“, – განაცხადა კახა კალაძემ.
მან კიდევ ერთხელ აღნიშნა, რომ მეტროს მატარებლების მემანქანეების ხელფასის გაზრდა ამ ეტაპზე შეუძლებელია.
„ყველას სამუშაოს პატივს ვცემ, თუმცა ჩვენ გვყავს ადამიანები, ვისაც არანაკლებ პასუხისმგებლობა აქვს და 700-800 ლარი აქვს ხელფასი. ამ ადამიანებს აქვთ ორჯერ თუ ორ-ნახევარჯერ მეტი ხელფასები. იმ სხვა ადამიანებმა რა დააშავეს, რომლებიც დღისა და ღამის განმავლობაში არანაკლებ საპასუხისმგებლო სამუშაოს აწარმოებენ ყოველდღიურ რეჟიმში. იმ ადამიანებს რა უნდა ვუპასუხოთ მერე. მომდევნო წლების განმავლობაში, როდესაც იქნება ქვეყნის ეკონომიკური განვითარება, იქნება ეკონომიკური შესაძლებლობები, რა თქმა უნდა, ხელფასების მატება არა მხოლოდ მეტროს მიმართულებით, არამედ ყველა მიმართულებით, რომელიც პრობლემაა, აუცილებლად მოხდება“, – განაცხადა კახა კალაძემ.
ცნობისათვის, მეტროს მემანქანეების ნაწილმა განაცხადა, რომ მეტროპოლიტენი 3 მაისს 06:00 საათიდან არ იმუშავებს, რადგან მათ მერიასთან და სატრანსპორტო კომპანიასთან ხელფასების მატებასთან დაკავშირებით მოლაპარაკებისას შედეგს ვერ მიაღწიეს.
ნინო ექვთიმიშვილი