კომენტარი
ქალბატონ კილაძეს ვურჩევდი, რომ არ დააზიანოს ის გუნდი, რომელშიც ის დღეს არის - ეკა ბესელია
პარლამენტის იურდიული კომიტეტის უკვე ყოფილი თავმჯდომარე ეკა ბესელია, თანაგუნდელს, ადამიანის უფლებათა კომიტეტის თავმჯდომარეს სოფო კილაძეს ურჩევს, თავისი განცხადებებით არ დააზიანოს გუნდი.
ბესელიამ „ტვ პირველზე“ გადაცემა „დღის ამბებში“ მწვავე განცხადება გააკეთა როგორ კილაძის, ისე პარლამენტის თავმჯდომარის, ირაკლი კობახიძის მისამართით.
"ბევრი რამ გამოჩნდა და ბევრი რამ გამოჩნდება. მე ქალბატონ კილაძეს ვურჩევდი, რომ არ დააზიანოს ის გუნდი, რომელშიც ის დღეს არის, თავისი ქმედებით და განცხადებით. ის, რომ სალომე სამადაშვილის გულშემატკივარი იყო, ეს მისი არჩევანია და აქაც გასაკვირი ჩემთვის არაფერ არ იყო. ძალიან ცუდ როლშია დღეს და არ ვურჩევ მას, რომ გააგრძელოს ეს რიტორიკა, სხვაგვარად ის უფრო მწარე პასუხს მიიღებს...
პარლამენტის თავმჯდომარე რომ დღეს გუნდურობაზე საუბრობდა, ალბათ უმჯობესი იქნება, მას მიუთითოს პირველ რიგში თორემ მე ვერ მიმითითებს იმიტომ, რომ ის ადამიანები, რომლებიც გამარჯვების შემდეგ შემოუერთდნენ ქართულ ოცნებას, მე გუნდურობას ნუ მასწალის და ვერც მასწავლის," - განაცხადა ეკა ბესელიამ.