უკან

პოლიტიკა

15 თებერვალი, 2017 17:35
font-size

ქალბატონი მანანა კობახიძე, პირველ რიგში, საქართველოს პარლამენტის რჩეულია - ირაკლი კობახიძე

საქართველოს პარლამენტის თავმჯდომარე, ირაკლი კობახიძე ბათუმში საკონსტიტუციო სასამართლოში ახალი წევრის, მანანა კობახიძის მიერ ფიცის დადების ცერემონიას დაესწრო.

საქართველოს პარლამენტის თავმჯდომარემ მანანა კობახიძეს საკონსტიტუციო სასამართლოს მოსამართლედ არჩევა კიდევ ერთხელ მიულოცა. ირაკლი კობახიძე დარწმუნებულია, რომ პარლამენტის მიერ არჩეული სასამართლოს ახალი წევრი ქვეყნის დემოკრატიული სისტემის ფუნქციონირებაში მნიშვნელოვან წვლილს შეიტანს.

„საკონსტიტუციო სასამართლო არის ჩვენი კონსტიტუციური სისტემის, დემოკრატიული სისტემის უმნიშვნელოვანესი ელემენტი და დარწმუნებული ვარ, რომ დღეს სასამართლო განაგრძობს იმ უმნიშვნელოვანესი წვლილის შეტანას ჩვენი დემოკრატიული სისტემის ფუნქციონირებაში. დარწმუნებული ვარ, რომ ქალბატონი მანანას მოსამართლეობა ამ ყველაფერში დამატებით წვლილს შეიტანს. მინდა, მივულოცო ქალბატონ მანანა კობახიძეს საკონსტიტუციო სასამართლოს მოსამართლედ არჩევა“, - განაცხადა პარლამენტის თავმჯდომარემ.

ირაკლი კობახიძის შეფასებით, მანანა კობახიძე, რომელიც საზოგადოებამ გაიცნო როგორც პრინციპული და უშიშარი უფლებადამცველი, კვალიფიციური იურისტი და ღირსეული ადამიანია. პარლამენტის თავმჯდომარემ აღნიშნა, რომ საკონსტიტუციო სასამართლოს მოსამართლის საპასუხისმგებლო და საპატიო თანამდებობა ნებისმიერი იურისტისთვის პროფესიული მწვერვალია.

„ქალბატონი მანანა კობახიძე, პირველ რიგში, საქართველოს პარლამენტის რჩეულია. ის წლების განმავლობაში ძალიან პრინციპული და უშიშარი უფლებადამცველი იყო. პირველ რიგში, ასეთად გაიცნო ქალბატონი მანანა ფართო საზოგადოებამ და მხოლოდ ამის შემდეგ შეუდგა ის პოლიტიკურ მოღვაწეობას. ქალბატონი მანანა კობახიძე არის ღირსეული ადამიანი, ძალიან კვალიფიციური იურისტი და აქედან გამომდინარე, კიდევ ერთხელ აღვნიშნავ, რომ დარწმუნებული ვარ, ის ძალიან დიდ წვლილს შეიტანს სასამართლოს დამოუკიდებლობის შემდგომ განმტკიცებაში და სასამართლოს ქმედით და ეფექტიან ფუნქციონირებაში. კიდევ ერთხელ, მინდა მოგილოცოთ, ქალბატონო მანანა ეს ძალიან საპასუხისმგებლო და საპატიო თანამდებობა. საკონსტიტუციო სასამართლოს მოსამართლეობა არის პროფესიული მწვერვალი ნებისმიერი იურისტისთვის“, - განაცხადა ირაკლი კობახიძემ.

მანანა კობახიძე საკონსტიტუციო სასამართლოს მოსამართლედ პარლამენტმა 101 ხმით აირჩია.

„საქართველოს საკონსტიტუციო სასამართლოს შესახებ“ საქართველოს ორგანული კანონის მიხედვით, საკონსტიტუციო სასამართლოს წევრი თანამდებობის დაკავებამდე ფიცს დებს საქართველოს პრეზიდენტის, საქართველოს პარლამენტის თავმჯდომარისა და უზენაესი სასამართლოს თანდასწრებით. შესაბამისად, მანანა კობახიძის მიერ ფიცის დადების ცერემონია პრეზიდენტ გიორგი მარგველაშვილის, პარლამენტის თავმჯდომარის, ირაკლი კობახიძისა და უზენაესი სასამართლოს თავმჯდომარის, ნინო გვენეტაძის თანდასწრებით გაიმართა.

ნინო ექვთიმიშვილი

ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად - შალვა ნათელაშვილი

7 მარტი, 2021 , 15:53

თავზარდამცემი ჩანაწერების შემდეგ კიდევ ერთხელ დავრწმუნდით, რომ ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად, – ამის შესახებ „ლეიბორისტული პარტიის“ ლიდერმა, შალვა ნათელ

„გადავწყვიტე პარტიიდან გავიდე და სხვა ამპლუით ვებრძოლო ამ ხელისუფლებას“ - გოგი წულაიამ პარტია “თავისუფალი საქართველო` დატოვა

7 მარტი, 2021 , 14:19

პარტია “თავისუფალი საქართველო" გოგი წულაიამ დატოვა. წულაიამ დღეს ქუთაისში, პარლამენტის ყოფილ შენობასთან გამართულ ბრიფინგზე წასვლის მიზეზზე ისაუბრა და განაცხადა, რომ ბრძოლისთვის მეტი თავისუფლება სჭირდება. წულაიას თქ

ნატო ჩხეიძე: სხვების აზრი არ აინტერესებთ და რაც აინტერესებთ, კი იმუშავებენ იმ განხრით

7 მარტი, 2021 , 13:24

თუ პოლიტპატიმრების გამოშვებაზე დათანხმდებიან და ვადამდელ არჩევნებსაც დანიშნავენ, რომელიმე ცალკე აღებული პოლიტიკური გუნდი კი არა, მთელი ოპოზიცია შევა პარლამენტში, -  ამის შესახებ მოძრაობა „სახელმწიფო ხალხი

შალვა პაპუაშვილი ოპოზიციას: გამოდით ბაბლიდან, გამოდით... გარეთ მზეა. ცაც, ტელესტუდიებისგან განსხვავებით, უღრუბლო

7 მარტი, 2021 , 12:57

ქართული ოცნების წევრი, შალვა პაპუაშვილი ტვ პირველის მიერ გავრცელებულ ფარულ აუდიოჩანაწერზე, რომელშიც, სავარაუდოდ, ბერა ივანიშვილი და ირაკლი ღარიბაშვილი ფიგურირებენ და სკოლის მოსწავლეებზე ძალადობას ათანხმებენ, ხელისუფლებას

არ უნდათ პლებისციტი? მით უკეთესი, პირდაპირი მოთხოვნა არის ვადამდელი არჩევნები - ზაალ უდუმაშვილი

7 მარტი, 2021 , 11:56

პლებისციტზე შეთავაზება ჩვენ გავაკეთეთ ჯერ კიდევ მაშინ, როცა მოლაპარაკების რაუნდები იწყებოდა და შევთავაზეთ ხელისუფლებას ერთ-ერთი კომპრომისული ვარიანტი, მივსულიყავით ვადამდელ არჩევნებამდე, – ამის შესახებ „ნაციო

პლებისციტი არის წარმოუდგენელი წინადადება - მამუკა მდინარაძე

7 მარტი, 2021 , 11:07

ოპოზიცია დღესაც ცდილობს, რომ კომპრომისულ ნაბიჯად გაყიდონ, ეს ვერ გაიყიდება და ვერ შეფასდება კომპრომისად, ვერც გადმოდგმულ ნაბიჯად იქედან გამომდინარე, რომ პლებისციტი არის წარმოუდგენელი წინადადება, - ამის შესახებ გუშინ, პარ