საზოგადოება
ქალი და კაცი კონსტიტუციისა და სახელმწიფოს წინაშე თანასწორნი არიან - თეა წულუკიანი
რუსთაველის გამზირზე მოწყობილ მიჯნურთა ხეივანში ახალგაზრდა წყვილმა ხელი მოაწერა, ხოლო ქორწინების მოწმობა მათ საქართველოს იუსტიციის მინისტრმა თეა წულუკიანმა გადასცა.
მოწმობა „ვეფხისტყაოსნის“ თემატიკითაა გაფორმებული და რუსთაველის 850 წლის იუბილეს ეძღვნება.
იუსტიციის მინისტრმა საზოგადოებას დამოუკიდებლობის დღე მიულოცა და თანასწორობის მნიშვნელობას გაუსვა ხაზი.
„დღეს ვზეიმობთ დამოუკიდებლობის დღეს და ყველას ვუსურვებ, რომელ საქმესაც არ უნდა ვემსახურებოდეთ, თავისი წვლილი შეეტანოს ამ დამოუკიდებლობის განმტკიცებაში.
დღეს იუსტიციის სამინისტროს სამოქალაქო რეესტრმა, სერვისების განვითარების სააგენტომ ქორწინების სპეციალური მოწმობა გამოსცა. დღეს ვინც დაქორწინდება, მას გადაეცემა სპეციალური მოწმობა, რომელზეც აღნიშნულია შოთას უკვდავი სიტყვები აფორიზმი „ლეკვი ლომისა სწორია, ძუ იყოს თუნდა ხვადია“, რადგან ჩვენს ქვეყანაში ჯერ კიდევ იმ დროიდან, დღეს უკვე კანონით ადამიანები ქალები და კაცები იყვნენ თანასწორნი და თანასწორნი კანონის წინაშე. ძალიან მნიშვნელოვანია, რომ ახლად დაქორწინებულ წყვილებს ეს პირველივე წუთიდან ესმოდეთ, რომ ორივენი ჩვენი კონსტიტუციისა და სახელმწიფოს წინაშე არიან თანაბარნი“, - განაცხადა წულუკიანმა.
ანა მებურიშვილი