უკან

უახლესი ამბები

დღის კალენდარი

ანონსები

არქივი

საზოგადოება

14 აპრილი, 2018 16:30
font-size

ქართულ ენას დიდი როლი აქვს ერისა და სახელმწიფოს გადარჩენის პროცესში- გიორგი მარგველაშვილი

ერის იდენტობის შენარჩუნებისათვის ქართული ენის მნიშვნელობას გაუსვა ხაზი საქართველოს პრეზიდენტმა გიორგი მარგველაშვილმა, ივანე ჯავახიშვილის სახელობის თბილისის სახელმწიფო უნივერსიტეტში, დედაენის დღესთან დაკავშირებით გამართულ საზეიმო ღონისძიებაში მონაწილეობისას.

გიორგი მარგველაშვილმა აღნიშნა, რომ ქართულ ენას დიდი როლი აქვს რთულ რეგიონში მცხოვრები მცირერიცხოვანი ერისა და სახელმწიფოს გადარჩენის პროცესში.

საქართველოს პრეზიდენტის განცხადებით, 40 წლის წინ, ქართული ენის სტატუსის შენარჩუნებისა და დაცვის მოძრაობის ორგანიზატორებმაც, ალბათ, ბოლომდე არ იცოდნენ როგორ გაგრძელდებოდა მათი მომავალი, მაგრამ მათ გმირული ნაბიჯი გადადგეს, დაიცვეს მშობლიური ენა და სტიმული მისცეს ეროვნული მოძრაობის ახალი ტალღის წამოწყებას.

საქართველოს პრეზიდენტმა ქართული ენის განვითარების ისტორიული პროცესი გაიხსენა და აღნიშნა, რომ როგორც კი სახელმწიფოს უჩნდებოდა მოტივაცია შეექმნა ახალი ძლიერი ტალღა, იმ მომენტში ჩვენი წინაპრები სწორედ დამწერლობასა და ენას იყენებდნენ მთავარ მაკონსოლიდირებელ ძალად.

“კიდევ ერთი, ჩვენი ერის ჩამოყალიბების ძალიან მნიშვნელოვანი ეტაპი საკუთარი იდენტობის განსაზღვრაში იყო მეოთხე საუკუნე, როდესაც ჩვენ ქრისტიანობა მივიღეთ. და ამ მომენტშიც, ქრისტიანობის მიღება, გარდა სულიერი არჩევანისა, იყო შესაძლებლობა საკუთარი თავის გამოყოფის, იდენტიფიკაციის, საკუთარი ენდემურობის და განსაკუთრებულობის გამორჩევის და ამ მომენტშივე სწორედ ახალ ძალას იძენს ქართული დამწერლობა და ქართული ენა, რომელიც მანამდე როგორც ვხედავთ თუნდაც ადმინისტრაციულ დოკუმენტაციაში, ან სხვა შემორჩენილ წყაროებში, მანამდე ასე აქტიური არ არის, მაგრამ როგორც კი ერს და სახელმწიფოს უჩნდება მოტივაცია შექმნას ახალი ძლიერი ტალღა, ხელახლა დაადგინოს და განსაზღვროს თავის თავი, აი ამ მომენტში ჩვენი წინაპრები სწორედ ჩვენს დამწერლობას და ჩვენს ენას იყენებენ მთავარ მაკონსოლიდირებელ ძალად, გარკვეულ დვრიტად, რომელიც უნარს აძლევს პოლიტიკოსებს, უნარს აძლევს ერს, უნარს აძლევს საზოგადოებას იმისთვის, რომ შექმნას და დაამკვიდროს ძლიერად თავის იდენტობა”, – განაცხადა გიორგი მარგველაშვილმა.

პრეზიდენტმა ისიც აღნიშნა, რომ აიტიტექნოლოგიებისა და ვირტუალური რეალობის კონტექსტში ქართული ენის და ქართული სახელმწიფოს წინაშე კიდევ ერთხელ დგას, სახელმწიფოს, ენის და ერის ერთდროულად გაძლიერებისა და გადარჩენის აუცილებლობა.

თბილისის სახელმწიფო უნივერსიტეტში გამართულ საზეიმო ღონისძიებაში სხვა მოწვეულ სტუმრებთან ერთად განათლებისა და მეცნიერების მინისტრმა მიხეილ ჩხენკელმა, თსუ-ს რექტორმა გიორგი შარვაშიძემ, ენის სახელმწიფო დეპარტამენტის თავმჯდომარემ გიორგი ალიბეგაშვილმაც მიიღეს მონაწილეობა.

14 აპრილს საქართველოში დედაენის დღე აღინიშნება.

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილება, საქართველოს რესპუბლიკაში ქართული ენის, როგორც სახელმწიფო ენის სტატუსის გაუქმებას გულისხმობდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

14 აპრილს დედაენის დღე 1990 წლიდან აღინიშნება

ცირა გურგენიძე

პარლამენტის ქუთაისის შენობაში პოლიციის რეგიონული ცენტრი განთავსდება

21 სექტემბერი, 2018 , 17:50

ქუთაისში მდებარე პარლამენტის შენობის შინაგან საქმეთა სამინისტროსთვის გადაცემის შემდეგ, უწყება აღნიშნულ შენობაში პოლიციის რეგიონული ცენტრის განთავსებას გეგმავს - ამის შესახებ შინაგან საქმეთა მინისტრის მოადგილე ნინო ჯავახა

ბოლივუდის მსახიობმა ქართველი მესაზღვრე რასიზმში დაადანაშაულა

21 სექტემბერი, 2018 , 17:41

ბოლივუდის ერთ-ერთმა ცნობილმა მსახიობმა რიჩა ჩადჰამ ქართველი მესაზღვრე რასიზმში დაადანაშაულა. მსახიობმა უსიამოვნო ინციდენტის შესახებ ტვიტერზე დაწერა. „საქართველოს დატოვებისას სასზღვრო კონტროლზე რასისტი მესაზღვრე შეხ

ფაროსანასთან ბრძოლის შედეგები იმედისმომცემია - ამერიკელი მეცნიერი

21 სექტემბერი, 2018 , 17:35

აზიურ ფაროსანასთან ბრძოლის მიზნით გატარებულ ღონისძიებებს და დასავლეთ საქართველოში არსებულ ვითარებას გაეცნო პენსილვანიის უნივერსიტეტის პროფესორი გრეგ კრავჩუკი. ამერიკელმა მეცნიერმა სურსათის ეროვნული სააგენტოს წარმომადგენლ

სტუ აკადემიური პროგრამების განვითარებას სან დიეგოს სახელმწიფო უნივერსიტეტთან ერთად გეგმავს

21 სექტემბერი, 2018 , 17:35

საქართველოს ტექნიკური უნივერსიტეტის რექტორი, აკადემიკოსი არჩილ ფრანგიშვილი, დღეს, სან დიეგოს სახელმწიფო უნივერსიტეტის ახლადარჩეულ მეცხრე პრეზიდენტს, დოქტორ ადელა დე ლა ტორეს შეხვდა. შეხვედრას ესწრებოდნენ სტუ-ის ადმინისტრ

საქართველოს ეროვნული ბანკი მწვანე, სოციალური და მდგრადი დაფინანსების ჩარჩოს ავითარებს

21 სექტემბერი, 2018 , 17:30

დღევანდელ მსოფლიოში განსაკუთრებულ აქტუალურობას იძენს ფინანსური სისტემის მიერ გარემოსდაცვითი და სოციალური პასუხისმგებლობის საკითხების გათვალისწინება, როგორც მდგრადი განვითარების ერთ-ერთი ხელშემწყობი ფაქტორი. საქართველოს ე

გიორგი ტყემალაძე აეროპორტის დასახლებაში მიმდინარე საგზაო სამუშაოებს გაეცნო

21 სექტემბერი, 2018 , 17:30

თბილისის საკრებულოს თავმჯდომარე, სამგორის რაიონის მაჟორიტარი გიორგი ტყემალაძე სამგორის რაიონის გამგებელთან კახაბერ გულედანთან ერთად აეროპორტის დასახლებაში მიმდინარე საგზაო ინფრაქტრუქტურული სამუშაოების მიმდინარეობას გაეცნ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`